Республикаси олий ва ўрта махсус таълим вазирлиги

1. Умумий қоидалар


Кириш
Бозор иқтисодиётига ўтиш даври иқтисодиётни тубдан модернизация қилиш, мулкчиликнинг хилма-хил шаклларида бозор механизмларини қўллашни биладиган, мамлакатимиз тараққиётининг асосий негизи бўлган малакали иқтисодчи кадрлар тайёрлашни тақозо қилмоқда.
Бу вазифаларни бажариш ташкилот ва корхоналарда бухгалтерия ҳисобини юритишнинг ўзига хос қирралари, вазифалари ва мазмуни, корхоналарда бухгалтерия ҳисобининг хусусиятлари, пул маблағлари, асосий воситалар ва моддий заҳиралар ҳисоби, меҳнат сарфи, меҳнатга ҳақ тўлаш ҳисоби, ижтимоий суғурта муассасаларига ажратмалар ҳисоби ва улар бўйича ҳисоблашишлар, турли дебитор ва кредиторлар билан ҳисоблашишлар, бюджетдан ташқари маблағлар ҳисоби, мол-мулк ва молиявий мажбуриятларни инвентаризацияси ва улар натижаларини ҳисобга олиш, бухгалтерия хисоботини тузиш ва такдим этиш тўғрисида билимлар ҳамда дастлабки амалий кўникмаларга эга бўлган кадрлар зиммасига тушади.


Фаннинг мақсади ва вазифалари
Мазкур ўқув дастурида ўқувчиларга амалдаги тармоқ таълим стандартлари доирасида чуқур билим ҳамда амалий кўникмаларни бериш, ўқитишнинг интерактив услублари, янги авлод ахборот коммуникация технологиялари, компьютерлаштирилган дастурлар қўллаган ҳолда машғулотларни назарий, амалий дарслар кўринишида ташкил этилиб чуқур назарий билимлар ва амалий кўникмалар бериш мақсад қилиб қўйилган.
Алоҳида урғу фанлараро боғланишга берилган бўлиб, бунда ”Бухгалтерия ҳисоби назарияси”, “Бухгалтерия ҳисоби”, ”Таннарх калькуляцияси”, ”Иқтисодий таҳлил”, ”Аудит”фанларида ўтилган мавзулар фанни ўзлаштириш учун асосий замин бўлади.


Фан бўйича ўқувчиларнинг билимига қуйидаги талаблар қўйилади:

• 
  Дастлабки иқтисодий билимларга эга бўлиш;
  
• 
  Иқтисодий категориялар, бозор иқтисодиётига ўтиш тамойиллари ва бозор механизмини билиш;
  
• 
  Бухгалтерия ҳисоби асослари, иқтисодий таҳлил қилиш усуллари, калькуляциялаш ва баҳолашни билиш;