Radio jurnaliSTİKA

Hadisə yerinə çatan kimi:
1-ci addım:
Cəld nəzər sal. Nə baş verir? Ola bilər 
ki ilk zərərçəkəni dağıntılar altından çıxarırlar. Bunu 
qaçırmaq olmaz. Və ya ola bilər ki, hansısa rəsmi çox 
vacib açıqlama verir. Həmən özünü ora çatdırmalısan.
2-ci addım:
Lazım olan səsləri yazmağa başlayırsan. 
Şahidləri, şikayətçiləri, zərərçəkənləri, olaya əlaqəli bir 
çox insandan müsahibə alırsan.
3-cü addım:
Sabit informasiyaları dəqiqləşdirmək və 
yenidən yoxlamaq: adlar, soyadlar, yer adları, müsahibə 
verənlərin yaşı, digər rəqəmlər və detallar.
4-cü addım:
Əmin olmalısan ki, olayı dadlandıran 
kifayət qədər səslərin var. Bunlar inetküy və 
reperaundlardır.
5-ci addım:
Səslərinin yazıldığına, faktların dəqiqliyinə, 
suallarına cavab tapdığına bir daha əmin olmaq üçün 
yenidən yoxla.
Bu addımları atandan sonra redaksiyaya dönə, ya 
da materialını hadisə yerindəcə sayta, virtual xəbər 
otağına yükləyə bilərsən.
Bunları yoxlamadan geri dönsən, mövzunda boşluqlar 
ola bilər və sən yenidən hadisə yerinə getməyə məcbur 
olarsan.
Amma UNUTMA! Gecikmisənsə, bunların heç bir 
xeyiri yoxdur!
Bəzən, bu, qaçılmaz olur. Geciksən, daha artıq işləməli 
olacaqsan. Canlı, yaxşı material yazmaq üçün insanları 
axtarıb tapmağa məcbur olacaqsan. 
Heç vaxt ruhdan düşmə! Şahidlərin yaddaşı və 
danışıqları köməyinə gələr! 
Olay bitibsə, olanları 
təsvir etmək üçün şahidlərdən informasiya toplaya 
və ya onların müsahibələrindən istifadə edə bilərsən. 
Bir şeyi yadda saxla ki, xəbər həmişə indiki zamanı 
göstərməlidir. Yazını hadisələr bir saat əvvəl baş vermiş 
kimi təqdim etmə. Dinləyiciyə indi nə baş verdiyini de, 
indi baş verirmiş kimi danış, hətta olayların sonuncu 
dəqiqələri olsa belə. Sonra nə baş verdiyini izah 
edərsən. Bu tərz yeni kimi səslənəcək və zamana 
uyğun olacaq.