R. X. Karlibayeva, A. A. Temirov korxonalarni

Qisqa xulosalar 
Samarali boshqarishda eng muhimi axborot va undan foydalana bilishdir. 
Iqtisodiy axborotlar bilan ishlashning eng muhim jihatlaridan biri, uni tahlil
qilishdir. Tahlil davomida xo‗jalik faoliyatini o‗rganishda hamda xulosalar
chiqarishda asos bo‗ladigan bir qator ko‗rsatkichlardan foydalaniladi. Tahliliy
ishlarni muvafaqqiyatli, samarali o‗tkazilishi, uni har tomonlama o‗ylab, sinchiklab 
tashkil qilinishiga bog‗liq. Uning o‗tkazilishi ilmiy xarakterga asoslangan reja 
asosida amalga oshirilishi lozim. Tahlil ishlari olib borilayotganda, u bir necha 
bosqichlarni bosib o‗tadi. Ushbu bosqichlarni bosib o‗tish jarayonida har bir
bosqichning mazmuni oldindan aniqlanishi kerak va ularning bajarilishi ma‘lum 
tomonlarga asoslangan bo‗lishi lozim. Iqtisodiy tahlilni yanada chukurroq amalga 
oshirish uchun hisob ma‘lumotlariga taallukdi bo‗lmagan, qo‗shimcha 
ma‘lumotlardan foydalanish lozim buladi. Tahlil usullarini qo‗llash
o‗rganilayotgan jarayonlarning bir-biriga bog‗liqligi, o‗zgarish sababi, ta‘sir
ko‗rsatgan omillar va qo‗shimcha sabablarni aniqlashga yordam beradi. Korxonalar 
moliyaviy holatini baholovchi bir qator ko‗rsatkichlar mavjud. Bular jumlasiga 
korxonaning to‗lov qobiliyati, moliyaviy barqarorligi, korxona aktivlarning likvidlilik 
darajasi va boshqa qator ko‗rsatkichlar kiradi. Korxonalar uchun yuqorida aytib 
o‗tilgan moliyaviy tahlil ko‗rsatkichlari ma‘lum bir davr (yil, chorak yoki oy) uchun 
tayyorlanadi va ular oraliq davr ma‘lumotlarini ifodalab beradi.
Nazorat savollari
1.
Korxonalar moliyaviy holatini tahlil qilishda nimalarga asosiy e‘tibor 
qaratiladi?
 
2.
Moliyaviy tahlil usullarini sanab bering.
 
3.
Korxonaning moliyaviy ko‗rsatkichlarini aniqlash usullari nima?
 
4.
Iqtisodiy matetmatik tahlil usullaridan qanday foydalaniladi?