R. S. Qosimov (rais), X. Sultonov, Q. Nazarov, M

O’tilgan mavzu bo’yicha savollar:

1. 
   Sunna bosqichida “tavhid” timsol-tushunchasining talqini.
   
2. 
   Islom dini va ma’naviyati. Musulmonchilik.
   
3. 
   Sunna bosqichining mohiyati.
   
4. 
   Roviylar va muhaddislar. Ularning o’zaro farqi.
   
5. 
   Ilk hadis to’plamlari.
   
6. 
   Hadis ilmining shakllanishi va Imom Buxoriyning jahonshumul xizmati.
   
7. 
   Hadis ilmining «oltin asri va sahih hadis to’plamlari.
   
8. 
   Islom axloqi va Rasululloh (s.a.v.) ibratlari.
   
9. 
   «Siyrat ar-Rasululloh» nima?
   
10. 
    Islomiy mazhablarning shakllanishi.
    
11. 
    Adab ilmi va Ahmad Yugnakiy merosi.
    

7-bob.
Islom ma’rifatchiligi
va ratsionalistik tafakkur rivoji

1-fasl. Mantiqiy tafakkur ehtiyoji.

Alloh taolo Qur’oni karim orqali marhamat etgan mukammal Tavhid ta’limotini ahli bashar tomonidan anglab etishning ilk pog’onasi bo’lmish Sunna bosqichi o’zining inkor etib bo’lmaydigan fazilat va yutuqlariga ega ekanligi

59
oldingi bobda qayd etib o’tildi. Bu bosqichda islom ma’naviyatining poydevori hisoblanuvchi shariat ahkomlari va islom axloqi shakllandi. Tavhid ta’limotining ilk talqini bo’lmish ushbu qadriyatlar tizimi umummintaqa ma’naviyatining takomilida naqadar muhim bo’lganligi har qanday shubhadan holidir. Bu bosqich qadriyatlarini biroz bo’lsa-da inobatga olmaslik yomon oqibatlarga olib kelishi mumkinligi ham tarix tajribasida necha bor sinalgan haqiqat.
Ammo Tavhid ta’limotini butun borlig’i, mohiyati bilan anglab olish uchun bo’lgan harakat bu bosqichda to’xtab qolgani yo’q. Islom mintaqa ma’naviyatining takomil tarixi yana bir qator bosqichlarni bosib o’tdi. IX asrdan boshlab ushbu ma’noda yangi yo’nalishlar bo’y ko’rsata boshladi va keyingi asrlarda ular etakchi mavqega ko’tarildi.