R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

Bildirishnoma yozish tartibi

Mirzo Ulug‘bek nomidagi

O‘zMU rektori akademik

T.N.Dolimovga

Taminot bo‘limining boshlig‘i

S.Saidovadan

Bildirishnoma
2009-yilining 20-martidan 29-martigacha Toshkent to‘qimachilik mashinasozligi zavodida xizmat safarida bo‘ldim. Xizmat safaridan maqsad O‘zMUning ayrim ustaxonalariga zarur bo‘lgan dastgoh va mashinalar yetkazib berish bo‘yicha shartnoma tuzish edi.

Xizmat safari yuzasidan menga yuklatilgan topshirig‘ingiz bajarildi.

Ilova: Zavod bilan tuzilgan shartnoma – 4 bet, 2 nusxa
Ta’minot bo‘limining boshlig‘i (imzo) S.Saidova

2009-yil 30-mart

Bilib oling:

Bildirish. (bildirishnoma) muayyan idora, uning rahbariga biror voqyea-hodisa yoki xizmat faoliyatiga tegishli masalalar yuzasidan axborot berish maqsadida taqdim etiladigan hujjatdir.

Bildirishnomalarni tayyorlashda faqat biror voqyea, holat to‘g‘risida xabar berish bilan cheklanish yetarli emas, ularning sabablari tahlil qilinishi, xulosa chiqarilishi, takliflar berilishi ham lozim.

Shuning uchun bildirishnomalarda xulosa va takliflar aniq va ishonarli yozilishi talab qilinadi.

Bunday hujjatlar matni ikki qismdan iborat bo‘lib, birinchisida yozilishiga sabab bo‘lgan voqyea, dalillar berilsa, ikkinchisida shunga oid xulosa va aniq takliflar bayon qilinadi. Agar bayon qilinayotgan ma'lumotlar aniq sana yoki vaqtga tegishli bo‘lsa, bu sana yoki vaqt matn oldidan ko‘rsatilishi lozim. Masalan: 2002-yil 1-oktabrdagi holatga ko‘ra» kabi.