Qo`shilgan qiymat va aktsiz solig’i hamda ularning hisoblanishi reja

Hisobga kiritiladigan qo`shilgan qiymat solig’i

Budjetga to`lanishi lozim bo`lgan soliq summasini hisoblashda qo`shilgan qiymat solig’i summasini hisobot davrida tovar (ish, xizmat)larni sotib oluvchi haqiqatda tovarlarni, ishlarni va xizmatlarni sotib olish natijasida to`langan (to`lanishi lozim bo`lgan), agarda ular soliq solinadigan aylanma maqsadida foydalanilgan yoki foydalaniladigan bo`lsa, hamda, quyidagi shartlarni bajarsa hisobga kiritish huquqiga ega:

1) tovar (ishlar, xizmatlar)ning haridori, haqiqatdan ham QQS to`lovchisi;
2) sotuvchi tomonidan hisobvaraq-fakturasi taqdim etilgan va u erda haqiqatda QQS alohida ko`rsatilgan;
3) tovar import qilingan holatda — QQS byudjegga to`langan;
4) norezidentlar tomonidan ishlar va xizmatlar bajarib berilganda, QQS haqiqatda budjetga to`langan;
5) import qilish chog’ida qo`shilgan qiymat solig’ini to`lash bo`yicha muddatlarning o`zaytirilishi yoki bo`lib-bo`lib to`lash ruxsat etilgan hollarda (bojxona qonunchiligiga yoki xukumat qaroriga muvofiq) hisobga kiritiladigan qo`shilgan qiymat solig’i summasi bo`lib soliqning haqiqatda to`langan summasn hisoblanadi.
Import qilinadigan tovarlar (ishlar, xizmatlar) bo`yicha bojxona yuk deklaratsiyasi (BYuD), shuningdek bojxona deklaratsiyasi qiymati (BDQ), bojxona qiymatining tuzatilishi (BQT) (bajarilgan ishlar, ko`rsatilgan xizmatlar dalolatnomalari) va qo`shilgan qiymat solig’ining amalda to`langanligani tasdiqlovchi to`lov xujjatlari hisobga olish uchun asos bo`lib hisoblanadi.
Import qilingan tovarlar bo`yicha hisobga kiritiladigan qo`shilgan qiymat solig’i summasi bo`lib import qiluvchi bayonot bergan bojxona qiymatidan kelib chiqib belgilangan tartibga muvofiq hisoblab chiqarilgan, tashish chog’ida soliq solinadigan aylanma uchun foydalaniladigan soliq summasi hisoblanadi.
Agar qo`shilgan qiymat solig’i olib kirish chog’ida import qiluvchi bayonot bergan bojxona qiymatidan emas, balki bojxona to`lovlarini to`lash uchun bojxona organlari hisoblab chiqargan hisob-kitob asosidagi bojxona qiymatidan kelib chiqib hisoblab chiqarilsa, bojxona rasmiylashtiruvi chog’ida haqiqatda to`langan soliq bilan hisobga kiritiladigan soliq o`rtasidagi farq import qilingan tovarlarning harid qiymatiga kiritiladi.