П. С. Султонов, Б. П. Ахмедов олий ўқув юртлари учун дарслик

Лалми ерларда 1 кг маҳсулот етиштириш учун сув сарфи, литр
Маҳсулотлар номи
Сув сарфи, литр
1
2
Дон
750
Картошка
1500
1
2
Шоли
16-20
Боғлар 
7-8
Маккажўхори 
1,8-4,0 
Сабзавотлар 
3-8
Дон экинлари
1,8-3,2
Люцерина
3-6
Пахта (1 тонна пахта хом ашёси учун)
7,5 минг м
3
Йирик шохли молхоналарда (ҳар бир бош
учун)
115 л/сут
Чўчкахоналарда (ҳар бир бош учун)
234 л/сут
1 та йирик шохли мол гўштини қайта
ишлашда
500
1 кг. сариғ ёғ ишлаб чиқаришда 
10
1 тонна қанд ишлаб чиқаришда
100 м
3
Дунё бўйича бир йилда киши бошига ўртача 30 м
3
сув ишлатади. Унинг 1 м
3
ичиш
учун сарфланади. Баъзи бир мамлакатларда 1 кишига йилига бор йўғи 2 м
3
сув тўғри келади.
Саноатда сув хом-ашё, эритувчи, иссиқлик ташувчи ва бошқа мақсадларда
ишлатилади. Жуда кўп саноат корхоналарида, жумладан, металларни қайта ишлаш,
машинасозлик, кокс кимёси, иссиқлик электр станцияларида сув совуткич сифатида
ишлатилади. Сув иссиқлик ташувчи сифатида ишлатилганда ифлосланмайди, бироқ хом
ашё хижозларни совутиш учун ишлатилганда сув турли хил моддалар билан ифлосланади.
Кимё ва нефть кимёси заводларида сув эритувчи сифатида маҳсулотлар таркибига
киради. Натижада бу корхоналарда сув механик аралашмалар ва кимёвий моддалар билан
ифлосланиб оқава сувлар ҳосил қилади. Кимё, қоғоз ишлаб чиқариш ва гидролиз
заводларида шунингдек, енгил ва озиқ-овқат саноат корхоналарида ҳам кўп миқдорда
ифлосланган оқава сувлар ҳосил бўлади. Ҳозирги вақтда энг кўп ишлатилаётган синтетик
сирт актив моддалар ҳам сув хавзаларини ифлослантиради. Бу моддалар хўжалик
эхтиёжлари учун ишлатиладиган сувларга ва хатто ичимлик сувларига ҳам аралашиб
қолмоқда. Бунинг ёмон томони шундаки, агар моддалар дарё сувларига тушиб қолса,
сувнинг ўз-ўзини тозалаш жараёнига салбий таъсир кўрсатади. Ҳамма синтетик сирт фаол
моддалар 3 та синфга бўлинади. Булар: сулфанатлар ва уларнинг тузлари, ионоген бўлмаган
моддалар ва катион актив моддалардир. Сулфанатлар синтетик сирт фаол моддаларнинг
асосини ташкил этади. Буларга алкилсулфатлар, сулфаноллар, моноалкилсулфанат
кислоталарининг тузлари киради. Ионоген бўлмаган моддалар саноатда ишлаб чиқарилган

---

барча сирт фаол моддаларнинг фақат 10 фоизни ташкил этади. Бу моддалар ювиш маҳсулоти
сифатида кам ишлатилади, бироқ саноатда кенг қўлланилади. Катионактив, сирт фаол
моддалар саноатда ишлаб чиқарилган ювувчи моддаларнинг жуда оз қисмини ташкил этади.
Уларни фақат дезинфекция қилувчи моддалар сифатида ишлатиш мумкин. Сув хавзаларига
сирт фаол моддалар ҳар хил йўллар билан тушиб қолиши мумкин. Масалан, турмушда сирт
фаол моддалар воситасида тайёрланган совунлар ишлатилади, қишлоқ хўжалигида бу
моддалар иштирокида пестицидни эритиш учун эмульсия тайёрланади. Бир кеча кундузда
ҳар бир киши ўртача 2,5 г сирт фаол модда ишлатади. Агар ҳар бир фуқаро бир кеча-
кундузда 125-350 литр сув ишлатса, хўжаликлардан оқиб чиқаётган оқава сувлар таркибида
3-4 мг/л сирт фаол моддалар ҳосил бўлади. Бу сувларга саноат корхоналаридаги оқава
сувлар ҳам қўшилиб, шаҳардан чиқадиган оқава сувлар таркибида ўртача 5 мг/л сирт фаол
моддалар ҳосил бўлади. Саноат корхоналаридан чиқадиган оқава сувлар таркибида ҳар хил
сирт фаол ва ювишда ишлатиладиган сунъий моддалар жуда кўп бўлади. Масалан,
тўқимачилик ва жун ва ҳайвон терисига ишлов берувчи заводларда ҳосил бўладиган оқава
сувлар таркибида сирт фаол моддаларнинг миқдори 5-50 мг/л дан, 200 мг/л гача бўлади.
Сувларнинг саноат корхоналари томонидан ифлосланиши саноат корхонасининг
технологик жараёнларига, хом ашё ва энергиядан фойдаланиш кўламига боғлиқ холда жуда
хилма хил ва мураккабдир.