O‘zmu xabarlari Вестник нууз acta nuuz

PANDEMIYA SHAROITIDA MASOFADAN O'QITISHNING TALABALAR SALOMATLIGIGA TA'SIRI 
Annotatsiya 
Maqola pandemiya tufayli masofaviy o'qishga o'tish munosabati bilan oliy o'quv yurtlari talabalarining sog'lig'i muammolarni 
o`rganish bo`yicha o`tkazilgan tadqiqot ishiga bag'ishlangan. Tadqiqot ishida masofaviy ta'lim talabalarning salomatligiga 
qanday ta'sir qilganligi va bu keskin o'zgarishlarning oqibatlari ko'rib chiqildi. Shuningdek masofaviy o`qitishda talabalar 
salomatligini saqlash uchun mumkin bo'lgan yechimlari ham berilgan. Maqolada, xususan, pandemiya sharoitida o'quv jarayonini 
osonlashtirish, muammolar yoki mavjud vaziyatni yumshata oladigan harakatlar ketma –ketligini qo`llash uchun universitet 
ma'muriyatining qo`llashi mumkin bo'lgan choralari muhokama qilindi. 
Kalit so'zlar:
masofadan o'qitish, masofadan o'qitishning ta'siri, pandemiya, talabalar salomatligi. 
 
Kirish.
Masofadan o'qitish - bu o'qituvchi va 
talabalarning bir -biridan uzoq masofadagi o'zaro muloqoti 
bo`lib, turli usullar yordamida bilimlarni o`zlashtirishga olib 
keladi. Bu usullarga internet tarmoqlaridan foydalanish, 
interaktiv usullar va boshqalar kiradi. Umuman aytganda, 
masofadan o'qitish - bu mustaqil ta'lim shakli bo`lib, bunda 
talabalar ma'lumotlarni mustaqil o`zlashtirishlari zarur bo`ladi. 
Ko'plab talabalar dastlab masofadan o'qish shakliga 
o'tishdan xursand bo'lishdi, chunki bu holda ko'proq vaqt uyda 
o'tkaziladi, lekin aslida bunday ta`lim shaklining talabalar va 
albatta o`qituvchilar uchun salbiy tomonlari ma`lum bo`la 
boshladi. Albatta, masofaviy ta`limning afzalliklari bor. 
Masalan yo`lkira va vaqtni tejash, shuningdek, ma'lumotni 
yaxshiroq va batafsil o'rganishga imkon beradigan Internet -
resurslardan foydalanish va boshqalar. Ta'kidlash joizki, 
bularning deyarli barchasi o'qitish sifatini yaxshilash va 
axborotni o'zlashtirishga qaratilgan, lekin axborotlarning 
haddan ziyod ko`pligi bo'lishi o'quvchilarning salomatligiga 
salbiy ta'sir ko'rsatishi mumkin.