O’zbekiston xalq ta’limi vazirligi m. Z. Murtazayev., M. E. Eshonqulova servi s pazandachilik asoslari

4.13. SHAVLA VA SHIRQOVOQ TAYYORLASH TEXNOLOGIYASI
Shavlalarning asosiy masalliqlariga go’sht, sabzi, guruch kiradi. Ular pishirish usuli va qushimcha masalliqlariga qarab, har xil nomlanishi mumkin. Umumiy ovkatlanish korxonalarida tayyorlanadigan shavlalardan ko’p tarqalganlariga shavla, qovurma shavla, loviya shavlalar kiradi. Shavlalar tashqi ko’rinishiga ko’ra ilashimli bo’lishi bilan farqlanadi.

Shavla. Birlashtiruvchi to’qimasi o’rtacha qo’y yoki mol go’shti 10-15 g. hisobida kubik qilib kesiladi. Qozondagi dog’langan o’simlik yog’iga go’sht solinib, ustiga tuz sepib, seli bir oz kamayguncha qovuriladi, keyin piyoz solib qizarguncha qovuriladi, sabzi solib yumshaguncha qovurib, tomat yoki yupka kesilgan pomidor solib, 5-10 daqiqa qovurib, go’sht, suyak qaynatilgan sho’rva yoki suv solinadi. Suyuqlik qaynab chiqqach, saralab yuvilgan guruch solinadi va vaqti-vaqti bilan aralashtirilgan holda qaynatiladi. Pishishdan avval ta’bga ko’ra tuz, ziravor solinadi. Shavla taqsimchaga solinib, ustidan mayda turg’ralgan kukat sepib, dasturxonga tortiladi.

Shirqovoq tayyorlashda Saralab yuvilgan guruch qaynab turgan tuzli suvda (suv guruchni kumar darajada solinadi) 10-15 daqiqa miltillatib qaynatib pishiriladi. Keyin ustidan qaynoq sut solinib, qaynagan zaxoti ishlovdan utgan qovoq (o’rta kubik shaklidagi) solib, miltillatib qaynatib, pishishidan avval tuzi rostlanadi.

Taom kosaga solinib, sariyog’ qushilib, kichik taqsimchaga quyib dasturxonga tortiladi.

Mustahkamlash uchun savollar:

1.Shavla uchun qanday masalliqlar kerak?

2.Shavla qanday tayyonlanadi?

3.Shirqovoq uchun qanday masalliqlar kerak?

4.Shirqovoq qanday tayyonlanadi?