O’zbеkiston rеspublikasi xalq ta'limi vazirligi

Очагли пневмония. Очагли пневмонияда яллиғланиш процесси ўпканинг айрим бўлакларига тарқалган бўлади. Очагли пневмония кўпинча ўпканинг хроник касалликлари (бронхит, пневмосклероз), қаттиқ, чарчаш, совқотиш, хроник юрак етишмовчилигидан кейин пайдо бўлади.
Этиологияси ва патогенези. Касалликни бурун-халқум ва юқори нафас йўлларида яшайдиган микроблар қўзғатади. Касаллик қўзғатувчиси ўпкага аэроген ва камдан-кам гематоген йўл билан тушади. Микроблар ҳаво билан бирга нафас йўлларига тушиб, энг ингичка бронхиолаларга киради ва яллиғланиш процессини келтириб чиқаради.
Клиникаси: Касаллик температуранинг ошиши, бетиним йўталиш, мадорсизлик, ланж бўлиш билан бошланади. Аксари касаллик грипп ёки юқори нафас йўллари катаридан кейин бошланади.
Беморларда нафас тезлашади, кўкариш пайдо бўлади, балғам шиллиқ йирингли бўлади. температуранинг эгри чизиғи нотўғри типда бўлади (яъни 36 гача тушади, кейин яна бир неча кунгача ошади).
Аускультацияда везикуляр нафаснинг сусайгани эшитилади. Қуруқ ва нам пуфакчали хириллашлар эшитилиши мумкин, бу бронхит ҳам борлигидан далолат беради.
Қонда лейкоцитоз ва РОЭ нинг тезлашгани кўрилади. Очали пневмония чўзилиб кетганда ўпка абсцесси, бронхларнинг кенгайиши (бронхоэктазия) ва бошқалар ривожланиши мумкин, рентгенда очаг қорайиб кўринади.
Профилактикаси. Профилактиканинг асосий вазифалари қуйидагилар ҳисобланади:

1. 
   Организмнинг қаршилик кўрсатиш кучини ошириш (чиниқтириш).
   
2. 
   Грипп ва ўткир респиратор касалликларининг олдини олиш.
   
3. 
   Совқотишдан эҳтиёт бўлиш.
   

Очагли ва крупоз пневмонияни даволаш. Беморлар ўрин-кўрпа қилиш ётиши керак. Овқат калорияли ва витаминларга бой бўлиши керак. Палата яхши шамоллатиладиган бўлиши лозим. каравотнинг бош томонини кўтариб қўйиш керак, шунда беморнинг нафас олиши енгиллашади. Бемор суюқликни кўп ичиши керак (1,5-2 л). Қабзиятда тозаловчи клизма қилинади. Газ йиғилиб қолганда – карболен берилади. Дорилардан – сульфаниламидлар ва антибиотиклар буюрилади.

Сульфопрепаратлар 1 кун - 7,0 (1,0 дан ҳар 4 соатда)

2 куни - 6,0
3 куни - 4,0
4 куни - 3,0
5 куни - 2,0 (бир курсга 20 г. – 25,0)
миқдорда сода билан ичилади. Антибиотиклардан пенициллин 100-150 минг – 200 минг бирлик ҳар 4 соатда мушак (мускул) орасига.
Строптомицин – 0,25 – 0,5 куб. суткада 2 марта.
Йўталишда кофеин, гочичник билан банка кун ора алмаштириб, юрак иши сусайганда – камфора ёки кордиамин 4 млг. дан кунига 2-3 марта тери орасига, оғир ҳолларда венага. Строфантин (0,5 мл. 0,05% эритма 20 мл. 40% ли глюкоза эритмасига секин юборилади).