O‘zbekiston respublikasi temir yo’llaridan texnikaviy foydalanish qoidalari

§1. Bo’ylama profil va yo’l rejasi

9. Tezyurar harakat uchun temir yo’llar uchastkalari bo’ylama profili va yo’l rejasi O’zbekiston Respublikasi xududida amal qiluvchi normativ hujjatlar talablariga javob berishi kerak.

10. Mavjud egrilarda poezd oqimi tuzilmasiga bog’liq ravishda yo’lovchi poezdlarining eng katta harakat tezliklari quyidagilardan oshirmaslik shartidan kelib chiqib belgilanadi:

so’ndirilmagan ko’ndalang tezlanishning yo’lovchi poezdi uchun 0,7 m/s² va yuk poezdlari uchun 0,3 m/s²;

so’ndirilmagan ko’ndalang tezlanishning ortib borish tezligi 0,4 m/s³ dan oshirmasdan.

Tuproq ko’tarmasini qaytadan qurilishsiz egrilarni joylashtirishni bajarib bo’lmaydigan qiyin sharoitlarda, "O’zbekiston temir yo’llari" DATK ruxsati bilan yo’lovchi poezdlarining so’ndirilmagan ko’ndalang tezlanishini 1,0 m/s² gacha oshirishga yo’l qo’yiladi.

11. Tezyurar uchastkalar egrilarida tashqi rels hisobiy balandligi "O’zbekiston temir yo’llari" DATK tomonidan belgilanadi. Bunda qabul qilingan hisobiy balandlik 5 mm gacha yaxlitlanadi, balandlikning maksimal ko’rsatkichi esa 150 mm dan oshmasligi kerak.

12. To’g’ri uchastkali barcha aylanma egrilar, shuningdek turli radiusli tarkibiy egrilar, uzunligi harakat tezligi, egri radiusi va tashqi rels balandligiga bog’liq o’tish egrilari bilan tutashishlari kerak.

13. Tezyurar uchastkalar asosiy yo’llari reja va profili, yo’l rejasi va profili o’zgarishiga olib keluvchi yo’l ishlari o’tkazilishi oldidan va keyin asbobiy davriy tekshirishlarga jalb qilinishlari kerak.