O`zbekiston respublikasi oliy va o`rta maxsus ta’lim vazirligi qarshi davlat universiteti mehnat ta’limi kafedrasi servis xizmati fanidan

Meva sharbatlari Meva sharbatlarini qulupnay, anor, olcha, tarvuz va hoka-zolardan tayyorlash mumkin. Mevalar birlamchi ishlov­dan o’tkaziladi. Qulupnay qirg’ichda qiriladi, anor siqib, sharbati olinadi, tarvuzning po’chog’i ajratilib, mag’zi maydalanadi, ezib, sharbati olinadi, olchaning urugi ajratiladi. Tayyorlangan meva sharbatiga shakar­li suv quyilib, 3—10 min. past olovda qaynatiladi. Tayyorlangan meva sharbati suzilib, sovitiladi. Shar­bat piyola yoki stakanga quyilib, ostiga taqsimcha qo’yilib, dasturxonga tortiladi.
O’zbek milliy shirin tam va ichimliklari sifatiga talab. Shirin taom va ichimliklar tarkibidagi ozuqa Masalliqlarning tayyorlash va tarqatish jarayonida saqlanib qolishi asosiy maqsad hisoblanadi. Shu sababdan taomlarni, masalliqlarga sovuq, issiq ishlov berishga yaxshi ahamiyat berib, tayyorlash zarur. Shirin taomlarni tayyorlashda texnologik jarayenlarga rioya qilib, taomlarning milliy ko’rinishini hosil qilish mumkin. Aks holda ular o’zgacha ko’rimishda bo’lib, sifati buziladi.
Choy damlashda ham texnologik jarayonga rioya etilmasa, uning xushxo’rligi buziladi. Quruq choy ezib maydalanib damlanmaydi. Choy plita ustiga yoki isitgich asbob ustiga qo’yib ham damlanmaydi. Choyni tortishda konfet, shokolad, qandolat mahsulotlari, sharq shiravorlari va nonni alohida idishda berish tavsiya etiladi.
Issiq ichimliklar tortilayotganda harorati 75°S dan past bo’lmasin. Salqin ichimliklar x.arorati esa 14°S dan yuqori bo’lmasin.
Talqonning poni va shakari bir xil maydalikda, bir xil aralashgan bo’lishi kerak. Talqon shirinligi, nonining mazasi sezilib tursin.
Holvaytar qizg’ish yoki och qo’ng’ir rangda yumshoq, quyuqqina bo’lishi kerak. Qovurilgan un, shakar va yog’ mazasi sezilib tursin, taxirlik, xomlik va kuyganlik bo’lmasin.
Chak-chak och sarg’ishdan och qizg’ish ranggacha ozgina yaltirab turadigan bo’lishi kerak. Ugrasi o’z shaklida bir xil rangda qovurilib, erkin yopishsin, ezilgan yoki uvoqlanib ketgan bo’lmasin. Aralashtirilgan qiyomi bir xil quyuqlikda, bir xil aralashtirilgan ko’rinishda bo’lishi kerak. Tatib ko’rganda g’ovak qovurilgan xamir, asal sezilib tursin, kuyindi hid, qumoq-qumoq qiyom bo’lmasin.
Ayron oq, bir xil quyuq-suyuqlikda bo’lishi kerak. Suvi va qatig’i alohida ajralib turadigan, o’ta nor-don bo’lmasin, U muzdek holda iste’molga berilishi lozim.
Choynakda damlangan choy tiniq qora yoki ko’k, choyga xos xushxo’r bo’lishi kerak. Unda begona hid bo’lmasin.
Oqchoydan sut va damlangan choy mazasi anqib turishi kerak. Undan sariyog’ xushxo’rligi sezilib tursin. U och ko’kimtir rangdan qizg’ish izli oq ranggacha bo’lib, Kuyindi choy yoki sut hididan xoli bo’lsin.
Shirchoy oqchoyga o’xshagan, dasturxonga tortilganda bir oz quyuqlashgan bo’lishi kerak. Shirchoydan choy, sut, . qaymoqning xushxo’r hidi, tuz, yanchilgan qora murch va sariyog’ mazasi kelib tursin.
Mevali va damlangan choy xushxo’r, meva turiga qarab o’ziga xos rangda bo’lishi mumkin. U shirin, tiniq bo’lib, shama va quyqalardan xoli bo’lsin.
Rayhonli choy avvalo rayhon va choy hidi kelishi bil an farqlanishi kerak. Qolgan talablar damlangan choydagiga o’xshashdir.
Olma-anor ichimligidan shirin olma va anor sezi-larli hidi kelib turishi kerak. U qizg’ish tiniqlikda bo’lsin, bir oz xira ko’rinishda bo’lsa ham mayli. Anor nordonroq bo’lsa, unga shakar sepsa bo’ladi» .
Meva sharbatlari meva turiga qarab, o’ziga xos shi­rin va tiniq bo’lishi kerak. Ular tarkibida meva qoldiqlari yoki quyqalari bo’lmasin. Sharbatlar asosan
sovitilib, tarqatiladi.