O`zbekiston respublikasi oliy va o`rta maxsus ta’lim vazirligi qarshi davlat universiteti mehnat ta’limi kafedrasi servis xizmati fanidan

Ochiq buterbrodlar. Bu buterbrodlar oddiy yoki murakkab bo‘ladi. Oddiy ochiq buterbrodlar bir turdagi mahsulotdan, ya’ni sariyog‘, pishloq yoki kolbasa va hokazolardan tayyorlanadi. Oq bug‘doy uni batoni yoki javdar nonidan qobiqsiz holda qalinligi 1—1,5 sm, kengligi 10—12 sm qilib to‘rtburchak shaklida, vazni 30—40 g. hisobida kesiladi va ustiga tayyorlangan mahsulot qo‘yiladi. Agar buterbrodyog‘siz mahsulotdan tayyerlanadigan bo‘lsa, nonga sariyog‘ surt*ilishi yoki sariyog‘dan gul yasab mahsulot ustiga qo‘yib berilishi kerak. Ochiq buterbrodlar javdar noni ustiga cho‘chqa yog‘i (shpig) kilki, keta balig‘i uldurug‘i, seld balig‘i qo‘yib tayyorlanadi. Murakkab buterbrodlarni tayyor-lashda bir necha turdagi mahsulotlar qo‘yib tayyorlana­di. .
Ochiq buterbrodlar salat bargi, shpinat, ko‘kat (ukrop, petrushka, kashnich) pallacha shaklidagi pomi­dor yoki bodring, redis, marinovka qilingan yoki yangi qalampirlar bilan bezaladi. Bunda tabiiyki uning vazni o‘zgaradi.
Sariyog‘li, shokoladli, meva yog‘i yoki margarinli bu­terbrod. Sariyog‘ va yog‘ turlari kesilgan nonni berki-tadigan darajada yupqa kesilib, nonga qo‘yib tarqa-tiladi.
Pishloqli buterbrod. Ishlovdan o‘tgan pishloq qa­linligi 2—3 mm. qilib non usti yopiladigan miqdorda kesilib tayyorlanadi. Tayyorlangan non ustiga sariyog‘ yoki margarin yupqa surtilib, ustiga tayyorlangan pish­loq qo‘yib beriladi. Pishloq non yuzasini to‘liq qop-lashi kerak.
Kolbasali buterbrod. Kolbasa qalinlari ko‘nda-langiga bir bo‘lak hisobida, ingichkalari burchak ostida 2 yoki 3 bo‘lakdan qilib kesib tayyorlanadi. Nonga sariyog‘, yog‘li gorchitsa yoki margarin surtilib kolbasa qo‘yib beriladi.
Murakkab buterbrodlar (assorti yoki markazcha). Ta’mi va rangi o‘zaro uyushadigan va xushxo‘rligini oshiradigan bir necha xil mahsulotlardan tayyorlanadi. Kesilgan go‘sht mahsulotlari, dudlangan mahsulotlar, semga, seld filelari va boshqa mahsulotlarni yupqa kesib, konus shaklida o‘ralib, ichiga salat yoki mayonez sardagi yoki ko‘k no‘xat, pishirib chopilgan tuxum solib tayyorlanadi. Ularni bezashda yangi pomidor, bodring, qizil qalampir, redis, sabzi, pishirib chopilgan tuxum, ko‘kat va boshqa mahsulotlar ishlatiladi. Bezash oxirida yumshatilgan sariyog, har xil mahsulotli yog‘ bilan qandolatchilik qopchig‘idan foydalanib nozik be-zak beriladi.