O`zbekiston respublikasi oliy va o`rta maxsus ta’lim vazirligi islom karimov nomidagi toshkent davlat texnika universiteti huzuridagi pedagog kadrlarni qayta tayyorlash va ularning malakasini oshirish tarmoq markazi

2.1.9. Dasturning informasion-uslubiy ta’minoti.
Mazkur fanni o`qitish jarayonida ta’limning zamonaviy metodlari, pedagogik va axborot-kommunikatsiya texnologiyalari qo`llanilishi nazarda tutilgan:
- amaliyot natijalari asosida turli xildagi ma’lumotlar va ko`rsatkichlarni tahlil qilishni zamonaviy informatsion kompyuter tizimidan foydalanish.
2.2. “Avtomobil dvigatellarining sovitish tizimiga texnik xizmat ko`rsatish texnologiyasi” mavzusining ma’ruza matni.
Reja
1. Sovitish tizimida uchraydigan asosiy nosozliklar, ularning alomatlari va kelib chiqish sabablari.
2. Sovitish tizimiga TXK va JT ishlari texnologiyasi.
Tayanch so`z va iboralar:
1.Sovutish tizimi nosozligi
2.Sovutish tizimi nosozligi sabablari
3.Sovutish tizimini tashxislash
4.Sovutish tizimiga TXK
5.Sovutish tizimini ta'mirlash
Dvigatelning ishlash jarayonida sovutish tizimi (6.1-rasm) muqobil issiqlik rejimini ta’minlab turadi. Sovutish tizimi nosozliklari issiqlik rejimini izdan chiqishiga olib keladi. Sovutish tizimining nosozliklariga quyidagilar kiradi:

6.1-rasm. Sovutish tizimining tuzilishi: 1-pechkadan keluvchi truba, 2-pechkaga ketuvchi truba, 3-termostat bilan kallakni bog`lovchi shlang, 4-uch tomonga o’tkazgich, 5-o’tkazgichni radiatorga bog`lovchi shlang, 6-kengaytirish bochogi, 7-sovutish ko’ylaklari, 8-radiator qopqog`i, 9-radiator, 10-yo’naltiruvchi g`ilof, 11-havo parragi, 12-tasma

- radiatorning nosozligi (sovutish kanallarini tiqilib qolishi, ustki qismining kirlanishi, zichligining buzilishi);
- suv nasosi va termostat nosozligi (suv nasosi valini harakatga keltiruvchi tasmaning bo’shashib qolishi);
- shamollatgich yuritmasining nosozligi (yuritmaning turiga qarab – mexanik yuritmaning bo’shashib qolishi, issiqlik relesi yoki elektroyuritmaning elektrodvigatelining nosozligi);
- silindrlar bloki yoki blok kallagi ko’ylagining darz ketishi;
- silindrlar kallagi zichlatgichining kuyishi;
- egiluvchan patrubkalar nosozligi (mahkamlanish zichligining buzilishi, mexanik shikastlanishi, ichiga qaynab yig`ilgan tuzlarning (nakip) tiqilib qolishi);
- harorat ko’rsatgichning nosozligi;
- sovutish suyuqligi sathining me’yoridan kamligi.