O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

4.1-jadval

O'zbekistonda ijtimoiy nafaqalar va moddiy yordamning qat’iy miqdorlari

T/r	Ijtimoiy nafaqalarning turlari	1.01.2019- yildan boshlab belgilangan miqdor (so'mda)	1.01.2019- yilgacha bo'lgan miqdori (EKIHdan kelib chiqib)
I.	14 yoshgacha bolalari bo'lgan oilalarga nafaqa
	shundan:
	bitta bolali oilaga	122 000	EKIHning 60 foizi (121 638 so‘m)
	ikkita bolali oilaga	203 000	EKIHning 100 foizi (202 730 so‘m)
	uchta va undan ortiq bolali oilaga	284 000	EKIHning 140 foizi (283 822 so’m)
II.	Bola 2 yoshga to'lgunga qadar bola parvarishi bo'yicha nafaqa (korxona yoki tashkilotlarda ishlayotgan, ularning mablag’lari hisobidan ushbu nafaqa to’lanayotgan onalar bundan mustasno)	406 000	EKIHning 200 foizi (405 460 so’m)
III.	Kam ta’minlangan oilalarga moddiy yordam	305 000 dan 610 000 gacha	1,5 dan 3EKIHgacha (304 095 somdan 608 190 so’mgacha)
IV.	Qoraqalpog'iston Respublikasi va Xorazm viloyatidagi muhtoj oilalarga bir marta beriladigan moddiy yordam	406 000 dan 1 014 000 gacha	yil boshida belgilangan 2 dan 5EKIHgacha (344 480 somdan 861 200 so’mgacha)

Yuqorida ko ‘rsatilgan nafaqalar va moddiy yordam turlari mahalliy budjetlar mablag’lari hamda budjetdan tashqari manbalar (jamoat va xayriya jamg’armalari, korxonalarning mablag’lari, fuqarolarning ixtiyoriy xayr-ehsonlari va shu kabi) hisobidan to’lanadi.

Ko’rib turganimizdek, joriy etilgan qat’iy belgilangan miqdorlar amaldagilaridan uncha farq qilmaydi, Qoraqalpog'iston va Xorazm viloyatidagi oilalarga moddiy yordam bundan mustasno. Ushbu nafaqalar miqdorlari qariyb 18 foizga oshgan. Bu ularning miqdori yil boshida belgilangan EKIHdan kelib chiqib hisoblanishiga bog'liq. 1.01.2018- yildagi holatga ko'ra u 172 240 so'mni tashkil etgan, hozir esa 202 730 so'mni tashkil etadi.

Zarur ish stajiga ega bo'lmagan keksa yoshdagi va mehnatga layoqatsiz fuqarolarga beriladigan nafaqa hamda dafn etish marosimi uchun nafaqalarni to'lash xarajatlari Moliya vazirligi huzuridagi budjetdan tashqari Pensiya jamg'armasi mablag'lari hisobidan moliyalashtirilar edi.

2019- yil 1- yanvardan boshlab zarur ish stajiga ega bo'lmagan keksa yoshdagi va mehnatga layoqatsiz fuqarolarga beriladigan nafaqa hamda dafn etish marosimi uchun nafaqalarni to'lash xarajatlarini moliyalashtirish O'zbekiston Respublikasi Davlat budjeti mablag'lari hisobidan amalga oshiriladi³.

Umrini nogiron farzandiga qarash, uni parvarish qilishga bag'ishlagan onalarga ijtimoiy nafaqa to'lanmasdi. O'zbekiston Respublikasi Prezidenti Shavkat Mirziyoev Oliy Majlisga Murojaatnomasida: “...nogironligi bo’lgan bolalar va ularning oila a’zolarini, boquvchisini yo'qotganlarni o‘n olti yoshgacha ijtimoiy muhofaza qilish masalasi doimo e’tiborimiz markazida turishi kerak. Umrini nogiron farzandiga qarash, uni parvarish qilishga bag'ishlagan onalar uchun alohida ijtimoiy nafaqa turini joriy etamiz”⁴, - deb alohida ta’kidlab o'tdilar.

Endi ijtimoiy nafaqalar turlari to‘g‘risida batafsil to‘xtalib o‘tsak.