O’zbekiston davlat jismoniy tarbiya instituti

O’zbek hujjatchiligidagi jiddiy o’rganilishi, amaliy va nazariy tadbiq etilishi lozim bo’lgan o’rinlardan biri ayrim hujjatlarning nomlanishi masalasidir. Bir necha tur hujjatlar rus tilida qanday nomlansa, o’zbek tilida ham shundayligicha nomlanib kelgan. Sho’rolar davrida idoraviy ish yurutish, asosan rus tilida olib borilganligi uchun ham bunga ehtiyoj bo’lmagan chog’i. uzoqqa bormay, mavzuimiz nomini olaylik. “Ish yurutish” degan atama ruscha “делопроизводствo” so’zidan tarjima qilinib, tilimizga olib kirilgan. Vaholanki, ma’lum bo’lishicha, tariximizda saroy va umuman yirik mahkamalarda yozuv ishlarini olib boruvchilar “munshiy” (arabcha) deyilgan. Atoqli yozuvchimiz Abdulla Qodiriyning “Mehrobdan chayon” romanidagi qo’yidagi satrlarni eslang: “Anvar devonxona sahniga etganda, ichkaridagi kattadan-kichik, mirzo munshiylar yangi boshliqlarini muborakbod qilgali o’rinlaridan qo’zg’aldilar”. Demak, ruschadan tarjima qilingan “ish yutirutuvchi” atamasining muqobili sifatida “munshiy” so’ziga o’zakdosh va ma’nodosh bo’lgan hamda o’tmishda bobolarimiz tilida ishlatilgan “munshaot” so’zini tavsiya etish mumkin.