O‘zbekistan temir yo‘llari

Rasm 7.1,


Poezdning boshi teskari yo‘l bo‘ylab harakatlanganda kunduzi va kechasi chap tomondan fonarning qizil rangli chirog‘i, o‘ng tomondan fonarning tiniq-oq rangli chirog‘i bilan belgilanadi (rasm 7.1, b).
Bir yo‘lli uchastkalarda va ikki yo‘lli uchastkalarning to‘g‘ri va teskari yo‘llari bo‘ylab poezdni boshlab yoki vagonlarsiz harakatlanuvchi lokomotivda tunda projektorning tiniq-oq rangli chirog‘i qo‘shimcha qilinadi. Motorvagon poezdning boshi tunda projektorning bir tiniq-oq rangli chirog‘i bilan belgilanishi mumkin.
83. YUk poezdlarining boshi bir yo‘lli uchastkalarda va ikki yo‘lli uchastkalarda to‘g‘ri yo‘l bo‘ylab vagonlari oldinda holda harakatlanganda kunduzi signallar bilan belgilanmaydi, kechasi esa bufer brusidagi fonarning tiniq-oq rangli chirog‘i bilan belgilanadi (rasm 7.2, a).

Rasm 7.2,


Teskari yo‘l bo‘ylab vagonlari oldinda holda harakatlanganda yuk poezdining boshi poezdni kuzatayotgan hodimning odingi o‘tish maydonchasining chap tomonida turgan holda kunduzi – yozilgan qizil bayroqcha, kechasi – bufer brusidagi fonarning tiniq-oq rangli chirog‘i va qo‘l fonarining qizil chirog‘i orqali belgilanadi (rasm 7.2, b).
84. Bir yo‘lli uchastkalarda va ikki yo‘lli uchastkalarda to‘g‘ri va teskari yo‘llar bo‘ylab harakatlanganda poezd oxiri quyidagicha belgilanadi:
yuk va yo‘lovchi poezdlar kunduzi va tunda – bufer brusi o‘ng tomonidagi nur tarqatgichli qizil doiracha (rasm 7.3, a);
yo‘lovchi va pochta-bagaj poezdlar kunduzi va tunda – uchta qizil chiroq (rasm 7.3, b).

Rasm 7.3


Doimiy signal fonarlariga ega bo‘lmagan yuk vagoni ulangan yo‘lovchi va pochta-bagaj poezdining oxiri kunduzi – bufer brusi o‘ng tomonda joylashgan qizil doiracha yoki yozilgan qizil bayroqcha bilan; tunda – buferning o‘ng tomonida fonarning qizil chirog‘i bilan belgilanadi (rasm 7.4, a).
YUk poezdi oxiriga ulangan lokomotiv hamda vagonlarsiz harakatlanayotgan lokomotiv orqa tomondan kunduzi va tunda bufer brusi o‘ng tomondagi fonarning qizil chirog‘i bilan belgilanadi (rasm 7.4, b).