O‘zbekistan temir yo‘llari

Rasm 7.4


85. Suruvchi lokomotiv va maxsus o‘ziyurar harakat tarkibi signallar bilan vagonlarsiz harakatlanayotgan lokomotiv kabi belgilanadi.
Suruvchi lokomotiv va xo‘jalik poezdi ikki yo‘lli peregondan teskari yo‘l bo‘ylab jo‘natish stansiyasiga qaytayotganda teskari yo‘l bo‘ylab harakatlanish signallari bilan belgilanadi.


86. Peregonda yuk poezdining oxir qismi uzib qolinadigan hollarda jo‘natish stansiyasida kunduzi – bufer brusining o‘ng tomonidagi yozilgan sariq bayroqcha; kechasi – fonarning sariq chirog‘i bilan belgilanadi (rasm 7.5, a).
Poezdning uziluvchi qismi yuk poezdining oxiri kabi belgilanadi.
87. Ko‘p yo‘lli uchastkalarda poezdlar, bir yo‘lli va ikki yo‘lli uchastkalardagi kabi, ko‘p yo‘lli uchastkaning u yoki bu yo‘li bo‘ylab qabul qilingan harakat tartibiga muvofiq ravishda belgilanadi.
88. Qor tozalagich bir yo‘lli uchastkalarda va ikki yo‘lli uchastkalarda to‘g‘ri yo‘l bo‘ylab harakatlanganda quyidagicha belgilanadi:
qor tozalagich bosh tomonda bo‘lsa, kunduzi – har chekkada yozilgan ikki sariq bayroqcha, kechasi – har chekkada ikki fonarning sariq chiroqlari, lokomotiv tomonga esa ikki tiniq-oq rangli nazorat chirog‘i (rasm 7.5, b);
lokomotiv bosh tomonda bo‘lsa, kunduzi bufer fonarlari yonida joylashtirilgan yozilgan ikki sariq bayroqcha; kechasi – bufer fonarlarining ikki sariq chirog‘i (rasm 7.6, a).
Qor tozalagichning oxiri bir o‘zi harakatlanayotgan lokomotiv kabi belgilanadi.



Rasm 7.5,


89. Qor tozalagichlar ikki yo‘lli uchastkalarda teskari yo‘l bo‘ylab harakatlanayotganda kunduzi – ikki chekkada joylashtirilgan ikki yozilgan sariq bayroqchalar va chap tomon sariq bayroqchasining tagiga joylashtirilgan yozilgan qizil bayroqcha; kechasi – mos ravishda fonarlarning ikki sariq va bir qizil chirog‘i, lokomotiv tomonga – uchta tiniq-oq rangli nazorat chirog‘i (rasm 7.6, b).
Agar lokomotiv bosh tomonda bo‘lsa, u qor tozalagich bosh tomonda harakatlangani kabi belgilanadi (rasm 7.6, b ga qaralsin).