Oʻzbek adabiyoti” kafedrasi jadid adabiyoti tarixi fanidan oʻquv- uslubiy majmua

12-KEYS

Keys nomi: Tadqiqot yo‘nalishlari ilmiy maktab an’analarining davomchilari, erishilgan natijalar..

Pedagogik annotatsiya: XX asr boshlarida yetishib chiqqan jadid shoirlari orasida Tavallo alohida o‘rin egallaydi. Tavalloning hayoti va taqdiri to‘g‘risidagi biografik ma’lumotlar yaqin-yaqingacha bir-biriga zid fikrlardan iborat bo‘lib keldi.

Rejalashtirilgan o‘quv natijalari:

Magistrlarda o‘zbek she’riyati taraqqiyotiga kuchli ta’sir ko‘rsatgan atoqli namoyandalarning ijodiy faoliyati haqida tasavvur paydo bo‘lishi. Tavallo ijodiga xos xususiyatlarni tahlil va tadqiq qilish qobiliyatlarini rivojlanishi.

Kirish:

Tavalloning asl ism-sharifi To‘lagan Xo‘jamyorov bo‘lib, Toshkent shahrining Ko‘kcha dahasida dunyoga kelgan. U 1909 yildan boshlab “Tavallo” taxallusi bilan she’r va maqolalar yoza boshlagan. Unga bu taxallusni ustozi Yusuf Saryomiy tanlab bergan.

Tavallo 20-30 yillarda ham hajviy she’rlar yozishda davom etdi. Tavallo boshqa jadid shoirlari singari nafaqat Rossiya, balki Yevropa xalqlari, hayotidan, shu mamlakatlardagi ilmiy va madaniy hayot yangiliklaridan yaxshi xabardor bo‘lgan. Shuning uchun ham u Turkiston xalqining ijtimoiy, iqtisodiy va madaniy qoloqlikda yashayotganligi bilan aslo murosa qila olmadi.