O’simliklarni himoya qilish kafedrasi o’simliklarni biologik himoya qilish

Psevdobakterin-2, suyuq.*. Preparat Pseudomonas aureofaciens ning BS1393-shtammi asosida RFA mikroorganizmlar biokimyosi va fiziologiyasi institutida tayyorlangan. Titri 2-3·10^9-10 hujayra/ml. Kuzgi va bahori bug’doy va bahori arpa urug’ larini ildiz chirishlarga qarshi dorilash (1 l/t) va ushbu ekinlarga o’suv davrida purkash (1 l/ga), issiqxonalarda esa bodring va pomidor urug’ larini dorilash (0,1 ml/kg) va ushbu ekinlarning qo’ng’ir dog’lanishiga qarshi o’suv davrida purkash (10 l/ga) uchun tavsiya qilingan.
Psevdomonadalar asosida RFA SB sitologiya va genetika institutida, Sibir sharoitlarida bir qator fitopatogenlar o’sishi va rivojlanishini yuqori samara bilan kamaytiruvchi yoki to„xtatuvchi Bizar Plyus preparati ishlab chiqarilgan.
BO„BHQITI bilan Krasnodar kompleks biologik tajriba markazi tirik bakteriyalar, zamburug’ lar va ularning metabolitlari asosida ishlab chiqargan Dizofungin preparati mahsulotlarni saqlash davrida kasalliklardan himoya qilishda kelajakli hisoblanadi (Monastirskiy, 2003). Preparat toksinogen zamburug’ lar (Fusarium, Alternaria, Aspergillus, Mucor turkumlariga mansub turlar) o’sishi va rivojlanishini kamaytiradi yoki to’xtatadi. Ishlab chiqarish sharoitida o’tkazilgan sinov tajribalarida Dizofungin nafaqat omborda saqlanayotgan donni, balki dalada o„sayotgan o’simliklarni ham kasalliklardan himoya qilgan.
AQSH da bakteriyalar asosida ko’p preparatlar yaratilgan. Jumladan, Galltrol (Agrobacterium radiobacter, 84-shtamm asosida), Nougall (A. radiobacter, K-1026-shtamm asosida), Kompanon (Bacillus subtilis GB103 va boshqa shtammlar asosida), HayStik N/T (B. subtilis MBI600 shtammi asosida), Kodiak (B. subtilis GB103 shtammi asosida), Dini (Burkholderia cepacia Wisc. asosida), Intersept (B. cepacia asosida), BayoJekt Spot-Lis (Pseudomonas aureofaciens asosida), Bayo-Seyv 10LP, 110 (Pseudomonas syringae asosida), BlaytBen A506 (Pseudomonas fluorescens A506 shtammi asosida), Dagger G (P. fluorescens asosida), Sidomon (Pseudomonas chlororaphis asosida) preparatlari har xil issiqxonalarda va ochiq dalada o’stiriladigan ekinlar, mevali va manzarali daraxtlar, tok, sitrus ekinlari va boshqa ekinlarning har xil kasalliklariga qarshi sotuvda mavjud (Agrios, 2008).