O`quv ustaxonasi” Fani

Taranglovchi mexanizm Sifatli pishitilgan ip olishning asosiy omillaridan biri ipni qayta o‘rashda naychadagi ipni tugaganiga qadar taranglikni bir xilda ushlab turishdir. Bir xil taranglikda bobinaga o‘ralgan iplarni zichligi va massasi yuqori bo‘ladi va pishitilgan ipni vazifasiga ko‘ra qo‘shib qayta o‘ralganida iplar teng taranglikda chigal tushib o‘raladi. Bunday qo‘shib o‘ralgan iplar pishitilganida ipni pishiqligi yuqori bo‘ladi. CHunki pishitilgan ipni necha qavatligidan qat’iy nazar ipni uzganimizda uni tashkil etgan yakka iplarni barchasi barobar uziladi, pishitilgan ipni pishiqligida teng qatnashadi. SHu bois Avtokoner ipni avtomat qayta o‘rash mashinasida ip tarangligini nazorat etuvchi mexanizmi original konstruksiyaga ega.

Taranglovchi mexanizm belgilangan zichlikdagi o‘ramni olish uchun ipning tarangligini doimo ta’minlaydi (4.12-rasm). Ip taranglovchi mexanizmning ikkita harakatlanuvchi disklari orasida harakatlanadi. Disk 2, 3 lar elektrodvigatel (M69) dan harakat oladi va ipning yo‘nalishiga teskari aylanadi, ular o‘zaro o‘zgarmas magnit yordamida bog‘lanadi. Ip va disklar orasidagi ishqalanish kuchi hisobiga belgilangan taranglik ta’minlanadi.

133 -rasm. Taranglovchi mexanizm

Ipni avtomat qayta o‘rovchi mashinasi Autotense tizimisiz ham ishlaydi. Ip tarangligini nazorat etuvchi mexanizm diskidagi bosim ip tarangligi datchigi signali va infarmatorga kiritilgan qiymatga bog‘liq xolda Autotense tizimi orqali rostlanadi va naychaning o‘ralishi davomida ipning tarangligi bir xilda qoladi. harakatlanuvchi g‘altak (L77) ga o‘zgarmas kuchlanish beriladi, kuchlanishning qiymati proporsional ravishda informatorga kiritilgan bo‘ladi. Taranglovchi mexanizm diskidagi bosim o‘zgarmas bo‘lib qoladi. Natijada naycha boshidan oxiriga qadar bir xil taranglikda bobinaga o‘raladi. Ammo naychadagi ipni oxiri o‘ralayotganda biroz bo‘lsada ipni tarangligi ortadi.

1