O‘quv qo‘llanma toshkent – 2022 O‘zbekiston respublikasi oliy va o‘rta maxsus ta’lim vazirligi toshkent moliya instituti

6-topshiriq. Amaliy dasturiy paketlarning (ADP) intergatsiyalangan holda ishlash texnologiyasini izohlang.
7-topshiriq. Integratsiyalashgan loyihalashtirish tizimlarining ishlash texnologiyasini izohlang.


Mavzuga oid savollar:

1. 
   Integratsiyalashgan tizimlar nima?
   
2. 
   Integratsiyalashgan tizimlar iqtisodiy tizimlarda qo‘llaniladimi?
   
3. 
   1C:Buxgalteriya va UzASBO dasturiy ta’minotlar integratsiyalashgan tizimlar qatoriga kiradimi?
   
4. 
   Nima uchun billing tizimlarini Integratsiyalashgan tizimlar safiga kiritamiz?
   
5. 
   Billing tizimining ishonchliligi nimalarda?
   
6. 
   «Goryachiybilling» va «Otlojenniybiling»larning ishlash texno­logiya­sini ifodalang?
   

5-Mavzu:Tarmoqlangan axborot texnologiyalari
Nazariy qism
Bilib olasiz:

Global kompyuter tarmoqlari va ularning turlarini. Intranet, Ethernet, Rospak, Infotel, UzPAK tarmoqarini, WI-FI, Fi-MAXlarni.Web1, Web2, Web3, Web4 texnologiyalarni

Hozirda kompyuterlarni qo‘llashda ko‘pgina foydalanuvchilar uchun yagona axborot makonini ta’riflovchi tarmoqlarni tashkil etish muhim ahamiyatga ega. Buni butun dunyo kompyuter tarmog‘i hisoblanmish Internet misolida yaqqol ko‘rish mumkin.

Uzatish kanallari orqali o‘zaro bog‘langan shaxsiy kompyuterlar majmuiga kompyuterlar tarmog‘i deyiladi. Bu tarmoq undan foydalanuvchilarni axborot almashuv vositasi va apparat, dastur hamda axborot tarmog‘i resurslaridan jamoa bo‘lib foydalanishni ta’minlaydi .
Kabel yordamida bog‘lash. Bunda kompyuterlar bir-biri bilan koaksial, o‘ralgan juftlik kabeli (UTP) yoki optik tolali kabellar orqali maxsus tarmoq plata yordamida bog‘lanadi.
Simsiz bog‘lanish. Bunda kompyuterlar bir-biri bilan simsiz aloqa vositalari yordamida, ya’ni radio to‘lqinlar, infraqizil nurlar, WiFi va Bluetooth texnologiyalari yordamida bog‘lanadi.
Bir-biri bilan bog‘langan kompyuterlarning bunday majmuasi kompyuter tarmog‘ini tashkil etadi.
Tarmoq tushunchasi va uning ahamiyati. Tarmoq - kompyuterlar, terminallar va boshqa qurilmalarning ma’lumot almashishini ta’minlaydigan aloqa kanallari bilan o‘zaro bog‘langan majmuidir. Kompyuterlararo ma’lumotlarni almashishni ta’minlab beruvchi bunday tarmoqlar kompyuter tarmoqlari deb ataladi.
Lokal, mintaqaviy va global kompyuter tarmoqlari. Kompyuter tarmoqlarini ularning geografik joylashishi, masshtabi hamda hajmiga qarab bir nechta turlarga ajratish mumkin, masalan:
Lokal tarmoq - bir korxona yoki muassasadagi bir nechta yaqin binolardagi kompyuterlarni o‘zaro bog‘lagan tarmoq(rasm).