Oqiw -metodikali q

3.TEMA: TEREK-PUTA O’SIMLIKLERININ’ BIOLOGIK HA’M KO’RKEMLILIK QA’SIYETLERI


Reje:
1. O’siw ha’m rawajlaniwg’a sirtqi ortaliqtin’ ta’siri.
2. Shaqalardin’ formasi ha’m qalin’lig’i.
3. Japiraqlar, miyweler,terek denesi ha’m basqalardin’ ko’rkemlik qa’siyeti.


1. O’siw ha’m rawajlaniwg’a sirtqi ortaliqtin’ ta’siri
Aga’sh o’simlikleri o’zinin’ go’zzallig’i,formalari ha’m ren’inin’ ha’r qiylilig’i menen adamlardin’ diqqat -itibarin o’zine qaratadi. Ta’biyattin’ bul go’zzal do’retpesi ha’r dayim o’zgerip turadi.Sirtqi ortaliq o’simlik organizminin’ rawajlaniwina u’lken ta’sir ko’rsetedi, olardin’ sirtqi ko’rinisi,u’lken-kishiligi, ko’p waqit o’siwi sol sirtqi ortaliqqa tig’iz baylanislidur.
Tariyxiy rawajlaniw processinde terekler ha’r qiyli ekologik sharayatta o’siwge iykemlesip qalg’an. Bir turler qurg’aq qumli topiraqlarda jaqsi o’sedi (qarag’ay, arsha, seksewil ha’m basqalar), basqalari ushin bolsa topirag’i o’nimdar ha’m ig’allig’i joqariraq sharayat kerekdur (qaraqarag’ay, terek, tal). O’simliklerdin’ temperatura, jaqtiliq, hawanin’ ig’allig’ina da talapshan’lig’i ha’r qiylidur. O’simlikler o’zinin’ individual rawajlaniw processinde bir qatar da’wirlerdi o’tedi - yuvenilden jetiklik da’wirge shekem. Bul da’wirlerde bir o’simlik shaqasinin’ ha’r qiyli u’lkenligi,formasi, o’siwinin’ tezligi menen xarakterlenedi.
Tez o’siwlik – ag’ash o’simliklerdin’ kerekli qa’siyetleri. Tez o’siwshi ag’ash ha’m putalar ko’rkemlilik ha’m sanitar - gigienik na’tiyjesin erterek beredi ha’m qorg’aw (ixota) qa’siyetin ju’zege keltiredi. Shaqalarinin’ bir-biri menen tez tutasip ketiwi topiraqqa ku’tip qaraw jumislarin tezirek tamamlawg’a imkaniyat beredi, bul bolsa terekzarlardi payda etiwdi arzanlastiradi.
Terek tu’rlerinin’ ko’birek waqit o’siwi bag’-park qurilisinda u’lken a’hmiyetke iye.Bul ekonomikaliq ko’z qarastan basqa estetik ma’niste de za’ru’r, sebebi qartayg’an jaqsi o’sken terek ko’rkemli boladi (jas tereklerge salistirg’anda).
O’zbekstan sharayatinda jasil qurilista kerekli ekologik faktorlardan – hawanin’ temperaturasi, topiraqtin’ temperaturasi, topiraqtin’ ig’alliq ha’m aziqliq rejimi, jaqtiliq ha’m hawanin’ qurami. Topiraqtin’ aziqliq ha’m ig’alliq rejimin basqariw mu’mkin, biraq hawanin’ temperaturasi topiraqtin’ temperaturasin derlik basqariw qiyin.