Ой мавзуси:”Ғаройиб олам” Ҳафта мавзуси:”Ўзбекистоннинг буюк арбоблари”. Февраль ойининг 3- ҳафтаси

Жалолиддин Мангуберди:
Жалолиддин Мангуберди номим бор,
Муғилларни ер тишлатган қаддим бор.
Ҳақиқат, адолат яшар оламда,
Тик боқинг, эгилманг ҳеч ҳам душманга.
Тарбиячи: Жалолиддин Мангуберди 1198 йили таваллуд топган. 1231 йили мардларча ҳалок бўлган. Жалолиддин Мангуберди ўзбек халқининг миллий қаҳрамонлардан ва саркардаларидан биридир.Хоразмшоҳ давлатининг сўнги ҳукмдори бўлган.
Чойхоначи: Кутиб олинг ! Ўзбек элининг буюк рассоми Камолиддин Беҳзод ташриф буюряптилар.
(Чойхоначи, Шум бола ва болалар Камолиддин Беҳзодга «Хуш келдингиз»-деб таъзим қилиб турадилар).
Камолиддин Беҳзод:
Бўёқларни бўёққа қориб
Турли-туман ранглар чиқариб
Чиздим Ватан сарҳадларини
Буюк Тўрон расмларини.
Навоийнинг шогирдидурман
Ўз элимнинг рассомидурман.
Санъат берди дилда номимни
Хирот шаҳри фарзандидурман.
Тарбиячи: Камолиддин Беҳзодга 1455 йилда Хиротда камбағал оиласида туғилди. У буюк мусаввир, наққош, минятюрачи ва рассом бўлган. Рассом Навоий бобомизнинг шогирдларидан бўлиб у ўша вақтда Навоий бобомизнинг асарларига мос расмлар ижод қилиб чизган. Мутафаккир рассом Камолиддин Беҳзод 1535 йили Эроннинг Табрез шаҳрида оламдан ўтади.
Болажонлар келинглар ҳозир биз шу фурсатдан фойдаланиб алломаларимзга ва қолаверса Мутафаккир рассом Камолиддин Беҳзод хотирасига бағишлаб қуриш ясашлар ва апликациялар, кўргазмалар ташкил этиб расмлар чизамиз. Қани болажонлар биз ҳозир ҳоҳлаган марказимизни танлаб оламиз.
1.Санъат марказидагилар мана бу доскадаги “Регистон майдони” расмини хил-қаламлар иштирокида чизиб берадилар ёки миллий безаклар орқали “Кўза ёки лаганлардан” апликациялар ҳам қилишлари мумкин.
2.Қуриш-ясаш марказидагилар “Регистон майдонини” ясаб берадилар. Ҳохишга қараб хох геометрик шакллардан, ҳоҳ пазллардан ясашлари мумкин.
Қани бўлмасам ҳаммамиз ишга киришамиз.
(Мусиқа остида болалар ўз ишларини намойиш этадилар).