Nizomiy nomidagi toshkent davlat pedagogika universiteti jismoniy madaniyat nazariyasi va metodikasi fanidan

Reja:

1. 
   O‘rgatish metodlariga umumiy tavsif.
   
2. 
   So‘z metodi.
   
3. 
   Ko‘rsatmalilik metodi.
   
4. 
   O‘yin metodi.
   
5. 
   Musobaqa metodi.
   

Tayanch iboralar: Metod, emotsionallik, harakat, tushuntirish, suhbat, o‘yin usuliyati, musobaqa usuliyati, musobaqa faoliyati, jismli qo‘llanmalar, namoyish qilish, sanoq, topshiriq, baholash, ko‘rsatma.


O‘rgatish metodlariga umumiy tavsif.
Jismoniy tarbiyaning o‘qitish predmeti sifatidagi maxsus bilim va harakat faoliyatlari o‘qituvchidan o‘qitishga xos ma’lum usullar va usuliyatlarni bilishni talab etadi. Ta’lim (o‘qitish)ning usuliyatlari ko‘p bo‘lishiga qaramay ularning hech biri universal emas. Ta’lim usuliyatlarining tavsifini bilish bu uslublar tarkibidan qulayini tanlab olishga, o‘qitish vazifalarini hal qilish uchun nisbatan samaralilarini ajratib olishga imkon beradi.
O‘qitish jarayonining turli sharoitda, turli xildagi shug‘ullanuvchilar bilan keng doiradagi vazifalarni hal etish imkoniyatini beradigan va tarbiyachi yoki murabbiy qo‘llaydigan faoliyatni usuliyat deb atash qabul qilingan bo‘ladi. Masalan: ko‘rgazmalilik bilan harakat faoliyatlari bilan tanishtirish, ularni turli yoshdagi o‘quvchilar, kattalarda takomillashtirishdek turli xildagi ta’lim vazifalarini oson hal qilishda foydalanish mumkin.