Nizomiy nomidagi tdpu boshlang’ish ta’lim fakulteti Jismoniy madaniyat nazariyasi va metodikasi (jismoniy madaniyat tarixi va sportni boshqarish ) fanidan

Ishlab chiqarish va ijtimoiy hayot sohasidagi o‘zgarishlar oqibati-natijada jismoniy madaniyat sohasida ham bir qancha yangi xodisalarning sodir bo‘lishligi sabab bo‘ldi. Eski o‘yinlar ko‘pincha ilgargi ovchiliq atamalarini saqlagan holda harakatlar harakteriga ko‘ra, jamoa ovchiliq mashqlarining ilgargi usullari va uslubiyatlariga endi bevosita munosabatda bo‘lmas edi. Masalan; ilgari, odatda, jamoa ovchiliq o‘yinlari majmuasiga kirgan mushtlashish, kurashish, og‘irlik ko‘tarish va hakozalar asta-sekin erkaqlarning shaxsiy mustaqil musobaqa turiga aylandi. Ovchiliq o‘yinlari ovchilar turmush an’analarini aks etirib kelgan eski mazmunini yo‘qotdi. Ayni vaqtda dehqonlar va chorvadorlarning mehnati va turmushini aks etiradigan yangi musobaqa o‘yinlari paydo bo‘ldi. “Zoghar”, “Tariq”,”Sichqon va mushik”, “Kalxat” va boshqa shu singari halq o‘yinlari aftidan, o‘z ildizlari bilan ibtidoiy jamoa tuzumi davridagi musobaqa o‘yinlariga borib taqalsa kerak. Bu o‘yinlarda XIX asrdayoq ibtidoiy dehqonlar va chorvadorlarning o‘yinlari uchun harakterli bo‘lgan marosim va musobaqa elementlari ancha aniq saqlangan edi. Ko‘pgina halqlarda ho‘qiz bilan olishuv o‘yini keng tarqalgan edi. Bu o‘yinlarga yovvoyi hayvonlarni qo‘lga o‘rgatish hamda usullarini aks ettiruvchi jismoniy mashqlar kirar edi.