Neft va gaz mahsulotlarini tashish va saqlash texnologiyasi

Gaz tarqatish bazasida quyidagi amallar bajariladi:
– ta’minotchidan temiryo‘l va avtomobil sisternalarida keltiriladigan
suyultirilgan gazni qabul qilish;
– suyuq gazlarni saqlash rezervuarlariga quyish;
– suyuq gazlarni yerosti va yer usti rezervuarlarda saqlash;
– gaz yonilg‘isini tarqatish shoxobchalari uchun gaz tashuvchi
avtosisternalarga suyultirilgan gazni quyib berish;
– ijtimoiy - maishiy soha uchun ballonlarni to‘ldirish;
– bo‘sh ballonlarni qabul qilish va to‘ldirilganini berish;
– ballonlardan bug‘lanmagan qoldiqlarni va nosoz ballonlardan
suyuq gazlarni to‘kib olish;
– ballonlarni ta’mirlash va tekshiruvdan o‘tkazish.

1-rasm. Gaz tarqatish bazasining umumiy ko‘rinishi.

Suyultirilgan gaz tarqatish bazasi inshoatlar, ustaxonalar va jihoz lar majmuasidan tashkil topgan bo‘lib, ular ishlab chiqarish va yordamchi mintaqalarga joylashtiriladi. Bazaning suyultirilgan gaz saq lash majmuasi yakunlangan texnologik tizimga birlashtirilgan rezervuarlardan iboratdir. Rezervuarlarning umumiy hajmi kunlik tarqatiladigan va hisobiy zaxira hajmidan kelib chiqib aniqlanadi.
Suyultirilgan gaz quyish shoxobchalari.
Suyultirilgan gaz quyish shoxobchasi (SGQSh) – transport vositalarining ballonlarini motor yonilg‘isi sifatida ishlatiladigan suyultirilgan uglevodorod gazi bilan to‘ldirish uchun xizmat qiladi.
Avtomobillarga suyultirilgan gaz quyishning asosan uch xil usuli qo‘llaniladi: oddiy nasosli, nasos-kompressorli va nasos-bug‘latgichli. Nasos usulida suyultirilgan gaz issiqdan himoyalangan idishdan nasos yordamida so‘riladi va bosimi oshirilib avtomobil balloniga quyiladi.
Nasos-kompressorli usul asosan katta quvvatli AGQSh uchun mo‘ljallangan bo‘lib ikkita texnologik jarayon qo‘llangani uchun ancha murakkab hisoblanadi.
Nasos-bug‘latish – usuli o‘rtacha murakkablikka ega bo‘lib, yonilg‘i haydash sxemasiga qo‘shimcha element, ya’ni harorat –20°C dan past bo‘lgan hollarda suyultirilgan gazni bosimini oshirib beruv chi elektrli isitish-bug‘latish blogi o‘rnatiladi.