Mustaqil ishi Mavzu: Delfin usulida suzish texnikasini o’rgatish. Delfin usulida suzishni o'rganish

Delfincha suzish. Delfincha suzish yoki batterflyay usulida suzish brass usulida suzishning bir turi sifatida maydonga keladi. Uning sportcha suzish turi o'rnida rivojlanib, takomillashib borishida ko'pgina sportchilar salmoqli xissa qo'shdilar. Keyingi vaqtlarda delfin suzish keng tarqaladi va musobaqa programmalariga kiritila boshlandi. Bu suzish usuli muskullarini, ayniqsa elka bo'g'inida yaxshi rivojlantiriladigan mashqlardan iborat. Delfin usulida suzish texnikasini osongina ta'riflash uchun dastlabki holat sifatida quyidagilarni olamiz: suzuvchining gavdasi suvda gorizontal holatda bo'lib, qo'llar elka kengligida oldinga uzatilgan, yuzi suv ichida, oyoqlar uzatilgan, tovonlar suv ustiga yaqin.
Qo'llar harakati. Dastlab qo'llar cho'ziladi va panjalar yoni bilan birlashtiriladi, kaftlar pastga qaragan bo'ladi. Song qo'llar pastga va ikki yon tomonga kerilib harakat qiladi. Shu vaqtning o'zida kaftlar tashqariga qaratiladi va suzuvchi harakatiga perependikulyar qilib suvni torta boshlaydi. Qo'llar bilan suv satxi oralig'idagi burchak 15-20 ga etganda ishchi harakat eng samarali holatga kelgan bo'ladi. Ya'ni qo'llar tirsak bo' g' imdan xiyol bukilib orqaga pastga va yon tomonga harakat qilarkan, zarb bilan suvni panjalar yordamida orqaga itaradi. Xuddi kroldagidek, delfin usulida suzganda qo'llar navbatma-navbat harakat qilsa, delfin usulida ikkala qo'l bir yo'la pastga va tepaga eshadi.
Esha boshlagan paytda qo'llar oldinga cho'zilgan, faqat kaftlar suvga yaxshiroq tayanish uchun bilakdan bir oz bukilgan bo'ladi. Qo'llar tobora tez ishlatiladi, tezlik oshgan sari ikkala tirsak ko'proq bukiladi, panjalar bir-biriga yaqinlashadi. Bu harakatning yarmiga kelganda qo'llar ayniqsa tez eshadi. Harakatning yarmidan o'tgandan keyin qo'llar rostlanadi, yuqoriga va ikki tomonga tez harakat qilganligi natijasida suvdan chiqadi va ikki tomondan oldinga uzatiladi. Qo'llar suv ustidan o'tganda to'lqinlarga tegmaydi, shu bilan birga elka kengligida oldinda suvga botiriladi. Shunday qilib, qo'llar yana dastlabki holatga keltiriladi, harakatlarning yangi sikli boshlanadi.