Murojaat gaplarda gender shakllarining ifodalanishi

Og`ir yigit, 
sening go`zal, nurli ko`zingda 
Bu millatning saodatin, baxtin o`qudim. 
O`ylashingda, turishingda hamda o`zungda 
Bu yurt uchun qutulishning borlig`in ko`rdim. 
(Fitrat. “O`gut”) 
Bu parchadagi 
og`ir yigit 
undalmasi murojaat obyekti bo`lgan shaxsni faqat 
nomlaydigina emas, balki uni tavsiflaydi ham, ya’ni bir paytning o`zida mazkur 
birlik ikki vazifani bajaradi.
Og`ir yigitga 
qaratilgan bu murojaatda bir shoir 
iltijosi, da’vatigina emas, bu haroratli ovozda kamida bir millatning asriy istagi, 
qalb chaqirig`i yangraydi.
Murojaat obyektini ifodalash va uni nomlashdan iborat poetik 
polifunksionallikni namoyon etuvchi undalmalar ham o`zbek poetik matnlarida 
ko`plab uchraydi. Masalan:
 
Nekrasov hasrati, o, rus hasrati, 
Poyoning bormikan, hadding bormikan. 
(A.
Oripov, Nekrasov hasrati) 

---

28 
Parchadagi 
Nekrasov hasrati, rus hasrati
undalmalari murojaat 
qilinayotgan obyektni ifodalaydi, ayni paytda nominative vazifani ham bajaradi, 
albatta, bu polifunksionallik matndagi badiiy mazmun salmig`ini orttirishga 
xizmat qiladi. Quyidagi misollarda ham mazkur holatni ko`rish mumkin: 
Sen esding – ochildi yorning jamoli, 
O, yutim shamoli, yurtim shamoli.
(A.
Oripov. Yurtim shamoli) 
Jaloliddin samani bo`lib, 
Sakrar o`tding Amudaryodan. 
Sensan o`sha samanim manim, 
O`zbekiston, Vatanim manim. 
(A.
Oripov. O`zbekiston) 
Ham adresatsiya, ham nominatsiya, ham xarakterizatsiyadan iborat poetik 
polifunksionallik undalmalarning badiiy qimmatini yanada oshiradi, yaxlit 
matnning ta’sir kuchiga kuch qo`shadi. Mazkur uch vazifa mahorat bilan 
mujassamlashtirilgan undalmalarning juda ham tig`iz zanjiri qo`llanilgan 
quyidagi she’riy parchani ko`raylik: 
Ey mulkini bir chekkada tinch kemirib yotgan zot, 
Besh tiyinga qadrini ham, xalqini ham sotgan zot,
Ko`kragida na himmatu na g`ayratdan asar bor, 
Yuragida na oriyat, na shavq bor, na kadar bor, 
Umrida hech qilgan emas, moldan o`zga bir niyat, 
Seni deya tiladimi yuraklarga hurriyat? 
(E.Vohidov. Og`riqli savollar) 
Parchada qo`llangan beshta undalma zanjiridagi (
mulkini bir chekkada 
tinch kemirib yotgan zot; besh tiyinga qadrini ham, xalqini ham sotgan zot; 
ko`kragida na himmatu na g`ayratdan asar bor; yuragida na oriyat, na shavq bor, 
na kadar bor;umrida hech qilgan emas, moldan o`zga bir niyat
) har bir undalma 

---

29 
ham murojaat obyektini ifodalaydi, ham uni nomlaydi va ayni paytda bu 
obyektning mutlaqo original tavsifini aniq-tiniq namoyon qiladi. 
Xullas, tilning apellyativ vazifasi uning kommunikativ va hatto poetik 
vazifasidan ajratilgan holda tasavvur etilmaydi, ammo bu vazifalarning bevosita 
amalga oshishida u yoki bu tarzda murojaat unsure ishtirok etadi. Ayni paytda 
shuni ham ta’kidlash joizki, ayniqsa, apellyativ vazifaning ijrosijarayonida 
murojaat alohida o`rin tutadi. Shuninhdek, tilning poetik-estetik vazifasining 
amalga oshishida ham murojaatning o`rnini inkor etib bo`lmaydi.