Mikrobiologiya va immunologiya

Tayanch iboralar: optimal harorat, psixrofil, mezofil, termofil bakteriyalar, quritish va vakuum ta’siri, musbat xemotaksis ta’sir, dezinfeksiya qiluvchi moddalar ta’siri, mikroorganizmlar, antibiotiklar, fitonsidlar dezinfeksiya, antiseptika, aseptika.
Foydalangan adabiyotlar
1. Shapulatova Z.J. Mikrobiologiya fanidan o’quv qo’llanma (amaliy va laboratoriya mashg’ulotlari). Toshkent, 2013 y.
2. Carter. G. R darla J. Wise Essentials of Veterinary Bakteriology And Mycology Sixth Edition 2004 268 p
3. Кисленко В.Н., Количев Н.М., Суворина О.С. Ветеринарная микробиология и иммунология. Часть 1. Обшая микробиология. М. Колос, 2006 г.


1. Savol. Fizikaviy omillarning mikroorganizmlarga ta’siri
Mikroblarga ko’pgina tashqi muhit omillari ta’sir qiladi. Ular turli sharoitga nihoyatda moslashib boradi. Shu sababali mikroorganizmlar hayot faoliyatiga fizikaviy, kimyoviy, biologik va boshqa tabiiy omillar ta’sir etib ularning xususiyatlari o’zgarib boradi.
Fizikaviy omillar:
Haroratning ta’siri. Mikroblar yashash uchun ma’lum optimal harorat talab qiladi. Harorat ortiqcha yoki yetarsiz darajada bo’lsa mikroblar hayot faoliyati susayadi yoki to’xtaydi. Mikrooraganizmlarning haroratga bo’lgan talabi bir xil emas. Harorat mikrobga uch xil ta’sir etadi, optimal-mikrob uchun qulay, maksimal-ortiqcha va minimal- yetarsiz ta’sir etadi. Buni bilish laboratoriya sharoitida mikroblarni o’stirishda juda zarurdir. Mikroorganizmlarning haroratga moslashishiga qarab, ular tabiatda uchta fiziologik guruhga bo’linadi.
1.Psixrofillar (grekcha «psixros»-sovuq va «fileo» sevaman) past haroratda yashashga o’rgangan mikroblar. Ular +15 - 8⁰C haroratlarda yashaydilar. 2.Mezofillar (grekcha «mezos»-o’rtacha ) o’rtacha haroratga o’rgangan bakteriyalar 20⁰C dan 40⁰C cha bo’lgan haroratda rivojlanadi. 3.Termofillar (grekcha «termos» issiq) rivojlanishi uchun yuqori harorat 40⁰ dan 80⁰C gacha talab qiladi. Optimal namlik bo’lganda termofillar organik moddalarning haroratini oshiradi, chiritadi natijada metan, vodorod kabi gazlar to’planib qizib ketgan o’simlik, jun, paxtalarning o’z-o’zidan alanga olib yonishiga olib keladi.