Mexanika fakulteti «texnologik mashinalar va jihozlar» kafedrasi

AMALIY IShINI TAShKIL ETISH

Talabalar amaliy ishlariga uyda asosiy darsliklar, ma’ruza matnlari va uslubiy ko‘rsatmalar asosida tayyorgarlik ko‘radilar.

Xar bir amaliy mashg‘ulotda uni mukammal o‘zlashtirish uchun ishning nazariy asoslari, hisoblash formulalari, masalalarni yechish tartibi, topshiriq variantlari va adabiyotlar keltirilgan.
Amaliy mashg‘ulot jurnali uchun aloxida daftar tutiladi. Bu daftar talabalar ishining eng yaxshi ko‘rsatkichi bo‘ladi. Ish natijalari tajriba davomida bevosita amaliy jurnaliga o‘z vaqtida qayd qilib borilishi lozim. Amaliy jurnalini yuritish tartibi quyidagicha:
Xar bir mashg‘ulot yangi betdan boshlab yoziladi. Unda quyidagilar qayd qilinadi:

1-Amaliy mashg‘ulot.


Mavzu: Jag‘li maydalash mashinasining texnologik parametrlarini hisoblash.


Nazariy ma’lumot
1.1. Qo‘zg‘aluvchi jag‘i murakkab harakatlanuvchi jag‘li maydalagichlar tuzilishi.
Qo‘zg‘aluvchi jag‘i murakkab harakatlanuvchi jag‘li maydalagich stanina 1 dan, ekssentrikli val 2 dan va unga osilgan qo‘zg‘aluvchi jag‘ 3 dan tashkil topgan.
Qo‘zg‘aluvchi va qo‘zg‘almas jag‘ga o‘rnatiladigan qoplamalar, yon devori qoplashlari yuqorida ko‘rib o‘tilgan qo‘zg‘aluvchi jag‘i sodda harakatlanuvchi maydalagichdagi singari bo‘ladi. Bu maydalagichda bita tayanch plitasi 4 o‘rnatilgan. Tayanch plitasining bir tomoni vkladish orqali sozlovchi qurilma 5 ga o‘rnatilgan, ikkinchi tomoni esa vkladishlar orqali qo‘zg‘aluvchi jag‘ning orqa qismiga o‘rnatilgan.
Eksentrikli valni aylantirish elektr matoridan tasmali uzatma orqali shkiv maxovik orqali amalga oshiriladi. Bu maydalagichlarda bir yoki ikki maxovik bo‘lishi mumkin.
Bog‘lovchi qurilma 6 tyaga va prujinadan tashkil topgan bu maydalagichlarda kinematik zvenolar soni kamliggi uchun konstruksiyasi sodda va metal sarfi kam. Materialning maydalanishi siqish kesish va sidirish hisobiga amalga oshiriladi.

1-rasm. Qo‘zg‘aluvchi jag‘i murakkab xarakatlanuvchi jag‘li maydalagich ko‘rinishi.

1 – stanina; 2 – zirh plitalar; 3 – tirgak ponalar; 4 – qo‘zg‘aluvchi jag‘;
5– ekssentrikli val; 6 – maxovik; 7 – ko‘taruvchi vint; 8 – qo‘zg‘aluvchi
pona; 9 – tortuvchi prujina; 10 – tortgich; 11 – tirgak pona; 12 – bosuvchi plita