“Мева ва сабзавот маҳсулотларини сақлаш технологияси” фанидан

 

---

5 
1-боб. УМУМИЙ ҚИСМ 
1.1. Картошкани сақлашга яроқли навларини тавсифи 
Ўзбекистонда етиштиришга ва сақлаш учун туманлаштирилган картошканинг маҳаллий ва 
чет эл нав ва дурагайларининг таснифи келтирилади: 
Маҳаллий навларнинг таснифи: 
Зарафшон
 
– эртапишар нав, тупининг баландлиги ўртача, барглилиги яхши, барги ўртача 
кесилган, барг бўлаклари конуссимон тўқ кўкимтир рангда, гули оқ. Тугунагининг шакли 
тухумсимон-узун, пўстлоғини ранги сариқ, тугунакларнинг ўртача оғирлиги 80-90 г. Хўраки нав, 
қайнатилганда туганакнинг ранги қораймайди. Вирус касаллигига ўртача чидамли. 
Қувонч 16,56 М
– эртапишар нав, тупи кучли ўсади, баргдорлиги яхши, барги йирик, тўқ 
кўкимтир. Гули оқ. Тугунаги думалоқ-овалсимон, пўстлоғини ранги сариқ. Тугунагини товарлиги 
– 92-93%. Тугунакларнинг ўртача оғирлиги 65-90 г, ноқулай экологик омилларга ва вирусли 
касалликларга нав чидамли. 
Ақроб
– ўртаги кечки нав, кечпишарга яқин, хўракига мўлжалланган, крахмал модданинг 
миқдори юқори. Тупи тик турадиган, ихчам, баландлиги 90-100 см. Пояси ўртача шохланган, 
ўртача баргдор. Барги ўртача кучсиз кесилган, оч-яшил. Гуллаши кучсиз, гуллари оз. Тугунаги 
думалоқ, кўзлари ўртача чуқурликда, пўстининг ранги – қизил, этиники – оч-сариқ. Тугунагининг 
ўртача оғирлиги 100-120 г. 
Чет эл навларнинг таснифи: 
Латона
– эртапишар нав. Палаги тез ва кучли ривожланади, қалинлиги зич. Гули оқ. Кам 
мева солади. Тугунаги думалоқ-овал, пўстини ранги сариқ, кўзи майда, этининг ранги оч-сариқ. 
Тугунаги йирик, ўртача оғирлиги 100-120 г. Хўраки нав, тугунакнинг эти қайнатилганда 
қораймайди. Сақланувчанлиги яхши, тиним даври узоқ. Тилласимон нематодага чидамли. 
Замбуруғ касалликларига ўртача чидамли. Механик жарохатланганда пайдо бўладиган доғларга 
сезгирлиги оз. 
Фреско 
– жуда эртапишар нав, қисқа ўсув даврда етиштиришга яроқли. Палаги етарли 
миқдорда тез ўсади. Гули оқ. Тугунагининг шакли думалоқ-овал, пўстлоғини ранги сариқ, этини 
ранги оч-сариқ. Тугунагининг ўртача оғирлиги 100-110 г, кўзлари майда, юза жойлашган. 
Нематода, баргни найчалайдиган вирусга ва Y вирусга, замбуруғли касалликларга чидамли. 
Истеъмолбоп нав бўлиб фри услубида қайта ишлашга ҳам яроли.