Менежмент. Маркетинг

Jismoniy fazilat-faollik, serg‘ayratlik, sog‘lomlik, kuchlilik.

SHaxsiy fazilat-moslashuvchanlik, obro‘lilik, o‘ziga ishonch, yutuqqa intilish.

Intellektual fazilat- aql, kerakli qaror qabul qilishga qodirlik, sezgirlik, ijobiy yondoshish

Qobiliyat- boshqalar bilan aloqa o‘rnata olishlik, kirishimlilik, xushmuomalalik, muomalaga ustalik.

Lekin bu nuqtai nazarga qo‘shilmaydigan olimlar, amaliyotchilar ham bor. Ular quyidagi e’tirozlarni ilgari suradilar:

• 
  yuqorida keltirilgan fazilatlarga ega menejer hali samarali boshqaruvchi degani emas;
  
• 
  bu xususiyatlarning o‘rganib bo‘lmaydi (yoki o‘rganish amalda mumkin emas) va h.k.
  

Bularga yana bir qator boshqa e’trozlarni ham qo‘shish mumkin. Zamonaviy menejer egalashi zarur bo‘lgan fazilatlar tizimini o‘ylab ko‘ring va bayon qiling. Bizning sharoitda faoliyat ko‘rsatayotgan menejer yana qanday fazilatlarga ega bo‘lishi krakligini ayting.
Topshiriq

Xorij iqtisodiy adabiyotlarida qaysi bir sohada faoliyat ko‘rsatishdan qa’tiy nazar menejer faoliyatida quyidagi 5 ta asosiy yo‘nalish mavjud degan fikrlar bayon etilgan. Ularning natijasi tashkilotning rivoji va barqarorligini ta’minlovchi resurslar integratsiyasi hisoblanadi:

Birinchidan, menejer o‘z oldiga maqsad qo‘yadi. Ushbu maqsadlarga erishish uchun aniq vazifalar va ulami hal etish yo‘llarini aniqlaydi;

Ikkinchidan, menejer ularni bajarish uchun firmani tizim sifatida tashkil qiladi. U maqsadga erishishda zarur bo‘lgan faoliyat turlari, yechimlarini tahlil qiladi, so‘ngra muammolarni topadi, masalalar qo‘yadi, muammo va masalalarni guruhlaydi va ularning bajarilishini aniq xodimlarga topshiradi.

Uchinchidan, firma doirasida mehnat boshqaruvi va aloqa yo‘lini nazorat qilib turadi. U turli xil uslublar, kadrlar masalalari(mehnat to‘lovi, rag‘batlantrish, ta’minlash va b.), shuningdek xodimlarning hayoti va mehnat unumdorligini oshiruvchi bir qancha masalalarni yechish orqali ma’lum bir ish-faoliyatga mas’ul bo‘lgan xodimlarni bir jamoaga birlashtiradi. Bunda menejer qo‘l ostidagilar, boshliqlar va hamkasblari bilan doimiy bog‘lanishda bo‘ladi.

To‘rtinchidan, menejer nazorat tizimini yaratadi. U butun tashkilotga shu bilan bir qatorda ma’lum bir xodim ishiga qaratilgan ko‘rsatkichlarni nazarda tutgan holda o‘lchov birliklarini aniqlab boradi. U erishilgan natijalarni tahlil qiladi va baholaydi, shu bilan bir qatorda ular haqida rahbarga, qo‘l ostidagilar va hamkasblariga ma’lumot beradi.

Beshinchidan, tashkilot a’zolarining “xizmat pillapoyasi” bo‘ylab ko‘tarilishlariga yordam beruvchi sharoitlarni yaratish orqali menejer xodimlarning ish-faoliyatda martabasining o‘sishiga yordam beradi.

Savollar

1. 
   Yuqorida zamonaviy menejer faoliyatining barcha asosiy (birlamchi) jihallari hisobga olinganmi?
   
2. 
   Sizning fikringizcha, menejer faoliyatining umumiy tavsifining yanada to‘liqroq bo‘lishi uchun yana nimalami kiritish lozim?
   
3. 
   Menejer ishining qaysi jihatlari birlamchi (ustuvor) hisoblanadi.
   

O‘zbekiston sharoitida menejer faoliyatining qaysi jihatlarini qayd qilgan bo‘lardingiz? Bu jihatlar nimaga asoslanadi ?