Mavzu Tashqi qulok kasalliklari, bolalarda o‘ziga xos kechishi,zamonaviy tekshirish usullari, davolash prinsiplari

 
Rasm Quloq chirkini yuvish 
 
 
 
QULOQ ChIPQONI (Otitis externa circumscripta) 
Tashqi eshituv yo‘lini kirish qismi yoki tog‘ayli - pardali qismidgi tuk 
qopchalariga va yog‘ bezlariga terini butunligi buzilishi natijasida infeksiyani 
(stafilokokk,streptokok) tushib yallig‘lanish chaqirishi, tashqi eshituv yo‘lini 
chipqoniga sabab bo‘ladi.
Quloq chipqonini paydo bo‘lishdagi omillar: tanani ximoya quvvatini 
pasayishi, modda almashinuvini buzilishi va vitaminlar yetishmovchiliklari 
xisoblanadi. Ayrim xollarda quloq chipqoni tanani umumiy furunkulezni bir 
ko‘rinishi xam bo‘lishi mumkin. 
Kasallikni belgilari –
bemorlarni asosan
 
quloqda kuchli og‘riq bezovta 
qiladi, og‘riq ko‘zga, tishlarga, bo‘yinga va boshga tarqalishi mumkin. Ovqat 
yeganda va gaplashganda (pastki jag‘ni bo‘g‘imi tashqi eshituv yo‘liga bosishi 
natijasida) og‘riq kuchayadi. Quloq surpasini ushlab tortganda yoki quloq 
dumbog‘ini bosganda xam og‘riq kuchayadi. Keyinchalik chipqon yorilishi 
natijasida tashqi eshituv yo‘lidan yiring ajraladi. Ba’zan bemorlarda tana 
xarorati 38 S gacha ko‘tariladi. 
Otoskopiyada
– tashqi eshituv yo‘lini kirish qismida konus shakldagi 
qizargan bo‘rtma ko‘rinadi, bo‘rtma xisobiga tashqi eshituv yo‘li torayib qoladi. 
Keyinchalik yallig‘langan bo‘rtma kattalashib, qizarib shishadi va ayrim 

---

xollarda quloq surpasiga xam tarqalishi mumkin. Asta-sekin yallig‘langan joyni 
o‘rtasida oqarish paydo bo‘ladi, bunday xolat yiring xosil bo‘lganligidan darak 
beradi.
Rasm Quloq chipqonini yorish 
 
Quloq 
oldi 
va 
bo‘yin 
limfa 
tugunlari 
kattalashgan,og‘riqli 
bo‘ladi,bemorni tana xarorat ko‘tarilib,umumiy axvoli yomonlashadi. 
Yallig‘lanish jarayoni kuchayib, chipqon o‘z-o‘zidan yorilishi mumkin, natijada 
bemorni axvoli yaxshilanadi, og‘riq pasayib va tana xarorati mo‘tadil bo‘ladi. 
Ayrim xollarda yiringli jarayon tashqi eshituv yo‘lini pastki devoridagi santorin 
yoriqlari orqali quloq oldi beziga tarqalishi xam mumkin. Natijada bez uni 
atrofidagi to‘qimalar yallig‘lanib yangi yiringli o‘choq paydo bo‘ladi. Kasallik 
asoratlanmasa o‘rtacha 7-8 kun davom etib tuzalib ketadi. 
Davolash
– Kasallikni birinchi kunlari antibiotiklar, isitma tushuruvchi 
va og‘riq qoldiruvchi dorilar tavsiya qilinadi. Tashqi eshituv yo‘liga og‘riq 
qoldirish maqsadida novokainni spirtdagi eritmasi bilan dokali plik qo‘yiladi, 
quloqqa spirtli bog‘lov qilinadi. Chipqonni boshlanish davrida infiltratni qayta 
so‘rdirish maqsadida quloqqa turli malxamlar (sariq simob malxami,ixtiol va 
Vishnevskiy malxamlari) bilan bog‘lov qilinadi. Agar infiltrat markazida 
yiringli o‘zak paydo bo‘lsa,uni pinset yordamida olinadi,iloji bo‘lsa chipqon 
kengaytiriladi va yiring chiqishiga sharoit yaratiladi, so‘ngra antibiotiklar 
eritmalari bilan bog‘lov qilinadi. Ayrim xollarda kasallik cho‘zilib ketsa, ketma-
ket chipqon paydo bo‘lishi davom etsa, autogemoterapiya xam kilinadi, 
vitaminlar,immunomodulyatorlar tavsiya etiladi. Fizioterapevtik muolijalardan 
UVCh va UF yaxshi foyda beradi. Bemorlarni xar extimolga qarshi qandli 
diabetga tekshirib qo‘yiladi. 

---