Мавзу: саноат маҳсулоти, унинг сифати ва рақобатбардошлиги

Товарнинг асосий хусусияти нимада?

Меҳнат маҳсулотларининг ҳаммаси ҳам товар булавермайди, фақат айирбошлашга арзийдигандагина товар бўлади. Бу пойабзалчи фабрикант пойабзал киймайди, қандолатчи ширинлик емайди, деган гап эмас, албатта. Лекин уларнинг шахсий истеъмоли бу товарларни ишлаб чиқариш билан қиёслаганда ғоят кам миқдорни ташкил этади. Ишлаб чиқариш асосан сотишга мулжалланган.

Товарнинг асосий хусусияти ─ талаб-эҳтиёжни қондиришдир. Инсон уни ўз эҳтиёжини қондириш учун сотиб олади. Товарга эҳтиёж бўлмаса, у керак бўлмайди. Бу эҳтиёжни қондириш хусусияти товарнинг истеъмол қиймати, деб аталади.

Товарнинг истеъмол қиймати

Турли товарларнинг истеъмол қиймати турлича. Айни пайтда ҳамма товарлар меҳнат маҳсулотидир. Ҳар бир товарда қандайдир меҳнат мужассам бўлади ва ана шу меҳнат унга товарнинг қиймати, деб аталувчи хусусиятни ифода этади.

Товар ишлаб чиқариш учун сарфланган ижтимоий меҳнат унинг қийматини ташкил этади. Барча товарларнинг истеъмол қиймати ҳар хил.

Қиймат товарлар айирбошланишига имкон беради.

Қиймат ─ товарнинг ижтимоий хусусиятидир.

Маҳсулот сифатига талаблар

Бозор ишлаб чиқариладиган маҳсулот сифатига қатъий талаблар қўяди. Ҳар қандай корхона (фирма)нинг омон қолиши, унинг товарлар ва хизматлар бозоридаги мустаҳкам мавқеи рақобатбардошлик даражаси билан белгиланади.

Рақобатбардошлик икки кўрсаткич — баҳо ва маҳсулот сифатининг даражаси билан боғлиқдкр.

Ишлаб чиқаришнинг эркинлаштирилиши даврида иккинчи омил биринчи ўринга кўтарилмоқда.

Маҳсулот сифатини ошириш нималарга олиб келади?

Сифат корхонанинг обрўси ва янада гуллаши ҳамда сифатни бошқариш — бу барча ходимлар, раҳбардан тортиб аниқ иш бажарувчи учун ишнг альфа ва омегаси, яъни аввали ва охиридир. Шу туфайли давлатнинг иқтисодий, шу жумладан, саноат сиёсатида сифат масаласи муҳим ўрин эгаллайди.