Mavzu : Bojxona haqidagi qonun hujjatlarini buzganlik uchun javobgarlik. Reja

g) yuridik shaxs tashkil etmasdan tadbirkorlik faoliyati bilan shug‘ullanuvchi shaxslar.
Fuqaro yakka tadbirkor sifatida davlat ro‘yxatidan o‘tib, tadbirkorlik faoliyati bilan shug‘ullanishni boshlagan vaqtdan e’tiboran yuridik shaxs tashkil etmasdan tadbirkorlik faoliyati bilan shug‘ullanuvchi shaxs deb hisoblanadi.
Bojxona haqidagi qonun hujjatlarini buzganlik uchun yuridik va yuridik shaxs tashkil etmasdan tadbirkorlik faoliyati bilan shug‘ullanuvchi shaxslar bojxona kodeksi bo‘yicha javobgarlikka tortiladilar.
O‘zbekiston Respublikasi Bojxona kodeksining 15-bob, 137, 139, 144-146, 151-154, 156-159, 161-169, 171 va 172-moddalarida bojxona haqidagi qonunlar buzilishi turlari va ular buzganligi uchun javobgarlik belgilangan.
Fuqarolar va mansabdor shaxslarning javobgarligi. Bojxona haqidagi qonun hujjatlarini buzgan fuqarolar va mansabdor shaxslar ma’muriy javobgar bo‘ladilar, ularning qilmishlarida jinoyat alomatlari bo‘lgan taqdirda esa, jinoiy javobgarlikka tortiladilar.


Jismoniy va mansabdor shaxslarni bojxona haqidagi qonun hujjatlarini buzganlik uchun ma’muriy javobgarligi. O‘zbekiston Respublikasi ma’muriy javobgarlik to‘g‘risidagi kodeksining 26-bob, 227, 227¹ - 227²⁷-moddalarida bojxona haqidagi qonunlar buzilishi turlari va ular buzilganligi uchun javobgarlik belgilangan.


Yuridik shaxslarning javobgarligi. Yuridik shaxslar va yuridik shaxs tashkil etmagan holda tadbirkorlik faoliyati bilan shug‘ullanayotgan shaxslarga nisbatan bojxona kodeksining 137, 139, 144-146, 151-154, 156-159, 161-169, 171 va 172-moddalarida nazarda tutilgan bojxona haqidagi qonun hujjatlarining buzilganligi uchun jarimalar, bojxona haqidagi qonun hujjatlarining buzilishi quroli yoki bevosita ashyosi hisoblangan tovarlar va transport vositalari musodara qilinishi qo‘llaniladi.


2. Bojxona haqidagi qonun hujjatlarini buzganlik uchun beriladigan jazo turlari.
Bojxona haqidagi qonun hujjatlarini buzganlik uchun Bojxona kodeksining 132-moddasiga muvofik quyidagi jazolar beriladi:
1. Jarima. Jarima - ma’muriy huquqbuzarlik sodir etishda aybdor shaxsdan davlat hisobiga pul undirishdir.
Jarima miqdori mamuriy huquqbuzarlik sodir etilgan vaqtdagi, davom etayotgan ma’muriy huquqbuzarlik uchun esa huquqbuzarlik aniqlangan vaqtdagi belgilab qo‘yilgan eng kam oylik ish haqidan kelib chikkan holda belgilanadi.
Tovarlar va transport vositalarining dan kelib chikib hisoblanadigan jarima ko‘rinishidagi jazoni belgilashda ana shu narsalar qiymati deganda huquqbuzarlik aniqlangan kunda ularning erkin (bozor) narxi tushuniladi.