Марказий банк Аппарати (Бош нозир)

38 Юридик шахслар томонидан миллий валютада талаб қилиб олингунча депозит хисобварақлар очиш учун банкка қандай хужжатлар тақдим қилинади?
Тадбиркорлик фаолияти субъектлари бўлган резидент юридик шахслар, якка тартибдаги тадбиркорлар ҳамда деҳқон хўжаликлари томонидан миллий валютада талаб қилиб олингунча депозит ҳисобварақлари очиш учун банкка қуйидаги хужжатлар тақдим қилинади:
а) мазкур йўриқноманинг 2-иловасида келтирилган шаклга мувофиқ ҳисобварақ очиш тўғрисида ариза;
б) тижорат фаолияти учун мўлжалланган товарларни хориждан олиб келувчи якка тартибдаги тадбиркорлар томонидан - яшаш жойи бўйича давлат солиқ хизмати органи томонидан берилган тижорат фаолияти учун мўлжалланган товарларни олиб келувчи якка тартибдаги тадбиркор давлат рўйхатидан ўтганлиги тўғрисидаги гувоҳнома нусхаси;
в) давлат рўйхатидан ўтганлиги тўғрисидаги гувоҳноманинг нусхаси;
г) мазкур Йўриқноманинг 3-иловасида келтирилган шаклга мувофиқ имзолар намуналари ва муҳр изи қўйилган ҳамда нотариал тасдиқланган икки дона варақча.
39 Молиявий ҳисоботларнинг халқаро стандартлари бўйича молиявий ҳисоботлар қандай шаклларни ўз ичига олади?
Молиявий ҳисоботларнинг халқаро стандартлари бўйича молиявий ҳисоботларга баланс ҳисоботи, фойда ва зарарлар ҳисоботи, пул оқими тўғрисидаги ҳисобот, капиталдагаи ўзгаришлар бўйича ҳисобот ҳамда тушунтириш ва иловалардан иборат.
40 Қайси ҳолларда мижознинг банк ҳисобварағи бўйича амалиётлар тўхтатиб қўйилади?
Ҳисобварақ бўйича операциялар фақат ҳисобварақ эгасининг фармойишига кўра ёки ҳисобварақдаги пул маблағлари суд ажримига кўра хатланганда, шунингдек, қонунда кўзда тутилган бошқа ҳолларда, тўхтатиб қўйилиши мумкин. Бундай ҳолда, пул маблағлари фақат қарор ёки ажримда кўрсатилган суммага хатланади
Тадбиркорлик фаолияти субъектларининг банклардаги ҳисобварақлари бўйича операцияларни тўхтатиб қўйиш суд тартибида амалга оширилади, жиноий фаолиятдан олинган даромадларни легаллаштириш ва терроризмни молиялаштириш аниқланган ҳоллар бундан мустасно.