Магистрлик диссертациясининг қисқача

3-чизма. “Алоқабанк” АТБ да кредитлаш жараёнида қарорларни қабул қилувчи органлар
3-чизма маълумотларидан кўришимиз мумкинки, “Алоқабанк” АТБ да кредитлаш жараёнида қарорларни қабул қилиш бўйича ваколатлар даражаси ва масъулият тақсимланган.
Банк ўз маблағлари ва жалб қилинган маблағлар (мамлакатимиздаги ҳамда хорижий банклар ва молия муассасаларининг маблағлари); б) қисқа ва узоқ муддатли; в) миллий ва хорижий валютада; г) йирик корпоратив мижозлар, кичик бизнес ва хусусий тадбиркорлик субъектларига; д) инвестиция лойиҳаларини молиялаштиришга (яъни, асосий воситаларни сотиб олиш, ишлаб чиқаришни модернизациялаш, янги техника ва технологиялар асосида ишлаб чиқаришни ташкил этиш ва кенгайтиришга; е) жисмоний шахсларга кредитлар беради; д) шунингдек бошқа актив операцияларни амалга оширади.

2-диаграмма. “Алоқабанк” акциядорлик тижорат банкининг 2019 йил 1 январ ҳолатига кўра активлари структураси
2018 йил якунларига кўра банкнинг жами активлари 5 850,5 млрд. сўмни ташкил этиб, унда салмоқли ўринни кредитлар ва лизинг 4 743,0 млрд. сўмни ёки 81,07 фоизни эгаллаган. Банкнинг инвестицияларга йўналтирилган маблағлари улуши 24,1 млрд. сўмни ёки 0,41 фоизни ташкил этмоқда. Асосий воситалар ва номоддий активлар 83,1 млрд. сўмни ёки 0,94 фоизни, кассадаги нақд пул маблағлари 100,4 млрд. сўмни (1,72 фоизни), бошқа банклардаги пул маблағлари 382,2 млрд. сўмни (6,53 фоизни), Марказий банкдаги пул маблағлари 462,8 млрд. сўмни (7,91 фоизни), бошқа активлар 54,9 млрд. сўмни (0,94 фоизни) ташкил этган (2-диаграмма).
2019 йил 1 январ ҳолатига кўра банкнинг хусусий капитали 1,16 трлн. сўмни ташкил этиб, шундан устав капитали миқдори 884 млрд. сўм. 2018 йилда банк хусусий капитал ҳажми бўйича бозорда 8-ўринни эгаллаб, ушбу кўрсаткич бўйича ўрнини 4 поғонага яхшилаб олди¹¹.

3-диаграмма. “Алоқабанк” акциядорлик тижорат банкининг 2019-2020 йиллар кесимида активларининг таркибий тузилиши
(млрд. сўмда)¹²
3-диаграмма маълумотларидан кўришимиз мумкинки, банкнинг активлари 2019 йил якунлари бўйича 7 400,0 млрд. сўмни ташкил этган бўлса, 2020 йил якунлари бўйича бу кўрсаткич 111 фоизга ошиб 8 184,4 млрд. сўмга етган. 2019 ва 2020 йиллар кесимида банкнинг активлари таркибида салмоқли ўринни кредит қўйилмалари эгалламоқда, 2019 йилда кредит қўйилмалари 5 731,2 млрд. сўмни ёки 77,4 фоизни ташкил этган бўлса, 2020 йил 31 декабр ҳолатига кўра банкнинг кредит қўйилмалари миқдори 5 923,8 млрд. сўм ёки 72,4 фоиз. Банкнинг инвестициялар ва бошқа қимматли қоғозларга йўналтирилган маблағлари 2019 йилда 52,9 млрд. сўмни ёки 0,7 фоизни ташкил этган бўлса, 2020 йилда бу кўрсаткич 7,2 бараварга ошиб 383,1 млрд. сўмни ёки банкнинг жами активлари таркибида 4,7 фоизни эгаллади.