M. F. Ziyayeva xirurgik kasalliKlar bilan og‘rigan va intensiv terapiyani o‘tayotgan beMorlarda HaMsHiraliK parvarisHi

yo‘g‘on ichakdagi operatsiyalarda bemorlarni 
parvarish qilish
Jarohatga  infeksiya  tushishi,  choklar  ochilib  ketishining 
oldini  olish  uchun  ichaklarni  najas  massalaridan  qunt  bilan 
tozalashning  ahamiyati  juda  muhim.  Bolalarni  operatsiyaga  3–5 
kun  tayyorlanadi.  Parhezga  alohida  ahamiyat  beriladi.  Ovqat 
tarkibida  shlaklar  kam,  kaloriyaligi  esa  yetarli  bo‘lishi  kerak. 
Operatsiyadan 2–3 kun oldin surgi dorilar buyuriladi (15–30% li 
magniy  sulfat  eritmasini  kuniga  6–8  marta  bir  osh  qoshiqdan), 
ertalab  va  kechqurun  tozalovchi  huqna  qilinadi.  Infeksiyaning 
oldini  olish  uchun  3  kun  oldin  bemorga  ichak  florasiga  ta’sir 
qiladigan antibiotiklar beriladi.
To‘g‘ri  ichak  operatsiyasidan  bir  kun  avval  ichaklar  qunt 
bilan  tozalanadi  (tozalovchi  huqnani  toza  suv  chiqquniga  qadar 
qilinadi). Ertalab ichaklarni chayindi suvlardan xoli qilish uchun 
rezina naycha kiritib, tozalovchi huqna qilinadi va oraliq yuviladi 
(bemorning  osti  kuchsiz  kaliy  permanganat  eritmasi  bilan 
yuviladi).
Yo‘g‘on ichakdagi operatsiyalardan keyin to‘g‘ri ovqatlanish 
tartibining  ahamiyati  katta.  Ichaklarni  to‘ldirib  yuborish 
va  peristaltikani  erta  vujudga  keltirish  xavfli  (choklarning 
sitilish  xavfi  bor).  Operatsiyadan  keyin  1­kundan  boshlab 
suyuqlik  ichishga  ruxsat  etiladi.  2-kundan  boshlab  bemorga 
kletchatkasi  kam,  suyuq  yoki  suyuqroq  ovqatlarni  bera  bosh-
lash mumkin. Sut mahsulotlari, non, mevalar bermay turiladi. 
5 kun mobaynida opiy nastoykasi buyuriladi, so‘ngra ichishga 
vazelin  moyi  beriladi  va  7–8  kunga  kelib  tozalovchi  huqna 
qilinadi.

---

160
To‘g‘ri  ichakdagi  operatsiyadan  keyin  bemorlarni  parvarish 
qilish  yo‘g‘on  ichak  operatsiyasidagi  singari  bo‘ladi,  biroq 
qo‘shimcha  ravishda  to‘g‘ri  ichakka  Vishnevskiy  mazi  surtilgan 
tamponga  o‘ralgan  rezina  naycha  kiritiladi.  O‘rin-ko‘rpa  qon  va 
maz  bilan  ifloslanmasligi  uchun  kleyonka  solinadi.  Tamponlar 
3-kuni  almashtiriladi  (10  daqiqa  oldin  narkotiklar  yuboriladi). 
Defekatsiya  aktidan  keyin  kuchsiz  kaliy  permanganat  eritmasi 
solingan vannaga o‘tirish va keyin bog‘lash buyuriladi.