Kutubxona-axborot faoliyati marketingi

Universitet O’UBB dots. P.R. Qurbonov

I. O'quv fanining dolzarbligi va oliy kasbiy ta'limdagi o'rni
"Axborot-kutubxona faoliyati marketingi" fani talabalarda axborot-kutubxona faoliyatini boshqarishda marketing, marketing turlari va uiarni amaliyotda qo'llanilishi, shuningdek axborot-kutubxona faoliyatida reklama va jamoatchilik bilan aloqaning o'ziga xos xususiyatlarini o'rganish, dunyoqarashini shakllantirish vazifasini bajaradi.
Ushbu dastur kutubxona - axborot muassasalari faoliyatida marketingni o'rni, o'ziga hos xususiyatlari, shuningdek kutubxona-axborot faoliyatida boshqarishda marketing rivojlanish qonuniyatlari va o'ziga xos xususiyatlari, tamoyillari va shakllarini qo'llash usullaridan foydalanishni o'rgatadi. Dasturni amalga oshirish o'quv rejasidagi ijtimoiy fanlar: pedagogika, psixologiya, sotsiologiya, hamda «Kutubxonashunoslik», «Kutubxona-axborot xizmati: nazariyasi va amaliyoti» kabi mutaxassislik fanlaridan yetarli bilim va ko'nikmalarga ega bo'lish talab etiladi.
II. O'quv fanining maqsadi va vazifalari
Fanning maqsadi-talabalarga, kutubxona-axborot muassasalari faoliyatida marketing fanining nazariy va amaliy tomonlarini, metodologik asoslarini o'rgatishdan iborat. Fanning vazifasi - talabalarda ushbu fan bo'yicha olgan nazariy va amaliy bilimlarini zamonaviy kutubxona-axborot faoliyatini tashkil qilish va boshqarishda, marketingning umumiy tamoyillari, qonuniyatlari, metodologik asoslarini, marketing turlari va shakllarini qo'llay olish bo'yicha ko'nikmalar hosil qilishdan iborat.
Ushbu maqsadga erishish uchun fan talabalarni nazariy bilimlar, amaliy ko'nikmalar, ijtimoiy hodisa va jarayonlar haqida uslubiy ko'nikma hamda dunyoqarishni shakllantirish vazifalarini bajaradi.
Fan bo'yicha talabalarning bilim, ko'nikma va malakalariga quyidagi talablar qo'yiladi. Talaba:
- axborot-kutubxona faoliyatida marketing nazariyasi va amaliyoti bo'yicha ma'lum qarashlarni umumlashtirish, marketingning umumiy tamoyillari, qonuniyatlari, metodologik asoslarini, soha istiqbolida marketingning xusiyatlari haqida tasavvurga ega bo 'lishi;
- marketingning asosiy tushunchalari, mazmuni va turlari haqidagi ma'lumotlarni, axborot-kutubxona faoliyatida marketingning moxiyatini, bilishi va ulardan foydalana olishi;
- egallagan bilimlari asosida mustaqil fikrlash qobiliyatiga ega bo'lishlari va uiarni amaliy muammolarni hal qilishda qo'llay olishlari, axborot-kutubxona maketingini rivojlantirish ko'nikmalariga ega bo'lishi kerak.