Kompyuter lingvistikasi terminlari lug'ati (glossariy) Аbzats

Lemma – so'zlarning lug'atdagi shakli.
Lemmatizatslya - so'zning dastlabki, boshlang'ich formasini (lug'atdagi shaklini - lemmasini) tashkillashtirish texnikasi bo'lib, bu jarayon o'sha so'zning boshqa so'z-shakllaridan kelib chiqqan holda amalga oshiriladi.
Lingvistik protsessorlar - tabiiy tilda kompyuter bilan muloqot qilishni ta'minlashga yordam beradigan dasturlar.
Lingvistik universaiiya - barcha tillarga yoki dunyo tillarining mutlaq ko'pchilik qismiga xos umumiy qonuniyatlar.
Metatil – formallashgan til.
Matematik lingvistika – XX asrning 50-yillarida yuzaga kelgan amaliy tilshunoslikning alohida yo'nalishi bo'lib, unda tabiiy tillarning matema­tik modellarini ishlab chiqish, xususan, sun'iy tillarni yaratish algoritmini tuzish bilan shug'ullanuvchi fan.
Matnlar korpusi (lot. corpus “tana”) – elektron holda saqlanadigan ma'lum til birliklari .
Matnning statistik tahlili – tilni ehtimollik belgilariga ko'ra tahlil qilish, til hodi-salarini statistik xarakteristikalari asosida baholash.
Mashina ijodi – san'at asarlarini avtomatik tarzda yaratish jarayoni.
Mashina tarjimasi – Matn (tekst)ni berilgan dastur asosida elektron mashinalar yordamida bir tildan ikkinchi tilga avtomatik tarjima qilish.
Metagrammatika (yun. metha “keyin”, gratnmatike “o'qish va yozish san'ati”) – metaqoidalarga asoslangan grammatika; tavsifiy grammatika, formal grammatika, transformatsion grammatika bosqichlaridan so'ng yuzaga kelgan, qayta yozilgan grammatika; programmalash tillarini tavsiflash uchun tabiiy til grammatikasi modeli asosida ishlab chiqilgan metaqoidalar to'plami.
Model (lot. modelus “nusxa”, “andaza”, “o'lchov”, “me'yor”) – muayyan original-obyektning hosilasi, moddiy qurilma, grafik, sxema, umuman, bilish vositasi. Model tabiiy obyektlarning imitatsiyasidir (o'xshashi, taqlidiy ko'rinishi), u o'zbek tilidagi qolip, andaza so'zlariga mos keladi. Masalan, globus yerning modeli, o'yinchoq mashina haqiqiy mashinaning modeli.