Jurnaldan ko‘chirib bosilgan maqolalar «Til va ada biyot ta’limi»dan olindi, deb izohlanishi shart

Dars turi:

 yangi bilim beruvchi va mustahkamlovchi.

Dars usuli:

 “Savol-javob”, “Qarorlar shajarasi”, 

“VENN diagrammasi”, “Bahs-munozara”, “Klaster”.

Dars jihozi:

 darslik, tarqatmalar, ish qog‘ozlari, 

marker.

Dars shiori:

 “Oh mening ortimdan ovora onam, Bir 

parcha yuragi ming pora onam”. (Muhammad Yusuf)

Darsning borishi:

I. Tashkiliy qism.

  O‘quvchilar bilan salomlashilib, 

davomat aniqlangach, sinfda adabiy muhitni yarat-

ish, o‘quv chilarning diqqatini mavzu doirasida jamlash 

maq sadida bahor oylarida tavallud topgan yozuvchi va 

shoirlar haqida suhbat o‘tkaziladi.

II. O‘tilgan mavzuni mustahkamlash.

 Said Ah-

madning hayoti va ijodiy faoliyati yuzasidan tarqatmalar 

asosida “Savol-javob”   mashqi o‘tkaziladi.

1. Said Ahmad qachon va qayerda tug‘ilgan?

Javob: Said Ahmad 1920-yil Toshkentning Samar

-

qand darvoza mahallasida dunyoga kelgan.

2. Yozuvchining birinchi hikoyalar to‘plami qaysi?

Javob:  1940-yilda  “Tortiq”  nomli  hikoyalar  to‘plami 

nashr etilgan.

3. Said Ahmad qaysi hikoyalarida Ikkinchi jahon 

urushining dahshatli oqibatlarini tasvirlaydi?

Javob: “Xazina”, “Hayqiriq”, “Rahmat azizlarim” kabi 

hikoyalarida.

4. Said Ahmad qanday mukofotlar bilan taqdirlangan?

Javob: “Buyuk xizmatlari uchun”, “Do‘stlik” ordenlari, 

“O‘zbekiston Qahramoni” unvoni bilan taqdirlangan.

5. Adabiyotshunoslarimiz uch bobokalon qalam 

ustasining tajribalari Said Ahmadda ekanligini 

ta’kidlaganda qaysi yozuvchilarni nazarda tutganlar?

Javob:  Oybekning  psixologik  tasvir  mahoratini, 

G‘afur G‘ulom yumori, Abdulla Qahhorning ixcham va 

teran fikrlash fazilatlarini nazarda tutganlar.

6. Onang qandoq xotin edi! Qandoq xotin edi! 

Nomard! Ona qabrga qo‘yilayotganda ko‘rib turib 

yoniga borolmagan, oqpadar! O‘z qo‘li bilan tuproqqa 

qo‘yishdan qochgan, yaramas! Ushbu misralar 

yozuvchining qaysi asaridan olingan va kimga qarata 

aytilgan?

Javob:  “Ufq”  trilogiyasining  “Qochoq”  hikoyasida 

Tursunboyga nisbatan aytilgan.