Jurnaldan ko‘chirib bosilgan maqolalar «Til va ada biyot ta’limi»dan olindi, deb izohlanishi shart

– Uzoq yillardan buyon ulug‘ shoir Alisher 

Navoiy ijodini o‘rganib kelmoqdasiz. Navoiy 

bobomizning ramzlar bilan ziynatlangan asarlari 

mohiyatini o‘quvchi bir o‘qishdanoq uqib oladi, 

deyish mushkul. Buning uchun undan yetarli bilim 

va maxsus tayyorgarlik talab etiladi. Ayting-chi, bu 

tayyorgarlik nimadan iborat bo‘lishi kerak? 

– Qariyb olti yuz yilllik  masofada turgan, ammo 

bizga hamisha zamondosh va hamnafas bo‘lgan 

hazrat Alisher Navoiy ijodiy merosini to‘liq o‘zlashtirish 

– saodat kalitini qo‘lga kiritish bilan barobar. Navoiy 

bilan hamdardlik, hamnafaslik, ta’bir joiz bo‘lsa, 

beshikdanoq boshlangani ma’qul. Ona suti bilan inson 

qalbiga kirgan bilim, e’tiqod bolaga umrining oxiriga 

qadar hamroh, ruhiy madadkor bo‘ladi. Hazrat Navoiy 

asarlari  mag‘zi ona allasi bilan farzandlarimiz vujudiga 

kirmog‘i lozim. Chunki kichik yoshligidanoq 

“Boshni 

fido­ayla­ato­qoshig‘a,­Jismni­qil­sadqa­ano­boshig‘a”

 

mazmunidagi o‘gitlarni eshitib voyaga yetgan farzand 

vatanparvar, elparvar, oilaparvar bo‘lib ulg‘ayadi. 

“Oz-oz­ o‘rganib­ dono­ bo‘lur,­ qatra-qatra­ yig‘ilib­

daryo­ bo‘lur”

 hikmatiga amal qilib o‘ssa, ilm yo‘lini 

tutgan olim, donishmand bo‘ladi. Xullas, Navoiyni 

tushunish uchun maxsus tayyorgarlik lozim, deb buyuk 

bobokalonimizni o‘zimizdan yiroqlashtirib qo‘ymaylik. 

Maxsus tayyorgarlik shuki, o‘zining milliy g‘ururiga 

ega buyuk Navoiyning millatdoshi bunday sharafning 

shukronasi uchun har kun bobokaloni merosidan hech 

bo‘lmaganda, bir bayt o‘qimog‘i lozim. Axir Yer yuzida 

o‘qiy desa  biror kitobi yo‘q, g‘ururlanay desa – tarixiy 

dahosi yo‘q xalqlar qancha.