Jurnaldan ko‘chirib bosilgan maqolalar «Til va ada biyot ta’limi»dan olindi, deb izohlanishi shart

– Ustoz, avvalo, “O‘zbekiston Respublikasida 

xizmat ko‘rsatgan yoshlar murabbiysi” faxriy 

unvoni bilan taqdirlanganingiz bilan qutlaymiz! 

Mukofot hayajoni, taassuroti va mas’uliyati haqidagi 

fikrlaringiz bilan o‘rtoqlashsangiz. 

– Davlatimiz rahbari tomonidan ustoz-murabbiylarga 

ko‘rsatilayotgan bunday e’tiborning hayajoni, unutilmas 

taassurotlari va o‘ziga yarasha mas’uliyati bo‘lishi tabiiy. 

Mukofot haqida eshitishim bilan xayolimga ilk daf’a 

“Men bu mukofotga arziymanmi?” degan savol keldi. 

Negaki, mukofot  – e’tibor va e’tirof deganidir. Aslida, 

inson o‘z kasbini sevsa, bajarayotgan ishiga qalbini 

bersa uni hech qanday mukofot qiziqtirmaydi. Mehnat 

bilan o‘tgan yillar kishi qadrini, mehnatlari samarasini 

yuzaga chiqarib boraveradi. 

Mukofotning hayajonidan ko‘ra mas’uliyati ko‘proq 

yuk bosadi. Tabiatan har qanday ishga mas’uliyat 

bilan qarayman. “O‘zbekiston Respublikasida xizmat 

ko‘rsatgan yoshlar murabbiysi” unvoni men uchun 

o‘quvchi-shogirdlarim va kelajak avlod ta’lim-tarbiyasi 

oldidagi ulkan mas’uliyatdir. Shu bilan birga ushbu 

faxriy unvon Prezidentimizning ustoz-murabbiylarga 

bo‘lgan ishonchi ramzi hamdir.

Davlatimiz va jamiyatimiz hayotining har bir 

sohasida kechayotgan bugungi ijobiy o‘zgarishlar, 

xalqparvar yurtboshimiz va hozirjavob hukumatimiz 

faoliyati elimizning uzoq yillar davomida boshidan 

kechirgan qiyinchiliklari evaziga kelgan mukofot, deb 

o‘ylayman.  Jamiyat  farovonligi  va  davlat  barqarorligi 

yo‘lidagi bugungi odilona siyosat va amaliy ishlar 

bardavom bo‘lishini niyat qilaman. Farzandlar, nabiralar, 

shogirdlar kelajagini o‘ylagan bir murabbiy sifatida 

hamisha duodaman. Negaki, murabbiy hayotining 

mazmuni –  tarbiyasidagi yoshlar va ularning taqdiri! 

Prezidentimizning ayollarga bo‘lgan samimiy e’tibori 

u kishini nafaqat dono siyosatdon, balki madaniyati 

yuksak inson sifatida ham namoyon etdi. Men – oddiy 

o‘qituvchining bu so‘zlarida zarracha mubolag‘a yo‘q!