Jahon tarixi 11 1-§. "Sovuq urush"ning boshlanishi

V.Yaruzelskiy (1923 yilda tug’ilgan) qo’shin generali.1965-1968 yillarda – Polsha qo’shinlari Bosh shtabi boshlig’i.1968-1983-yillarda - PXR milliy mudofaa vaziri. 1981-1985-yillarda - PXR Vazirlar Kengashining raisi. 1989-yilning iyulidan 1990-yilning dekabrigacha Polsha prezidenti.
90-yillarda Polsha hukumati oldida turgan asosiy muam­mo tashqi qarzdorlik edi. Bu qarzdorlik 50 milliard dollardan oshib ketdi. G’arb yana kredit yordami berdi. 1990-yilning dekabrida umumiy ovoz berish yo’li bilan mamlakat prezidenti etib Lex Valensa saylandi, biroq 1991- yilgi parlament saylovlarida partiyalardan birortasi ham ko’pchilik ovozni ololmadi. Yil mobayni­da uchta hukumat o’zgardi. 1992-yilning iyulida Xanna Suxotskaya "Milliy murosa" hukumatiga boshchilik qildi, bu hukumat davlatning xo’jallik faoliyatini cheklash, korxonalarni xususiylashtirish, qishloq xo’jaligini modernizatsiyalashni tezlatish yo’lidan bordi. Yangi hukumat davlatni boshqarishga tayyor emas edi. Ularda Polshani tiklash yoki uni rivojlantirishning biror-bir jiddiy dasturi yo’q edi. PBIP Demokratik so’l ittifoqqga aylantirildi, u 1994­ yilgi Seymga saylovlarda g’alaba qozondi. Dehqonlar partiyasi bilan birgalikda ular koalitsion hukumat tuzish­di. 1995-yil noyabrda Polshada prezidentlik saylovlari bo’lib o’tdi, bu saylovlar kommunistlar yo’lboshchisi Aleksandr Kvashnevskiy g’alabasi bilan tugadi. Mamlakatda bozor iqtisodiyotini rivojlantirish bo’yicha samarali kompaniya boshlandi. 1995-yildayoq ishlab chiqarishning o’sishi 6 foizni tashkil etdi, Polshaga xorijiy investitsiyalar oqimi kuchaydi. 2000-yilda A.Kvashnevskiy saylovlarda yana g’olib chiqdi. Mamlakatda bozor munosabatlarini rivojlan­tirish, demokratiya, milliy suverenitetni mustahkamlash kursi davom ettirilmoqda. 2001-yil sentyabrda mamlakatda umumxalq saylovlari bo’lib o’tdi. Demokratik so’l ittifoq hukumatni shakllan­tirish huquqini qo’lga kiritdi. "Solidarnost" mag’lubiyat­ga uchradi. 2002-yil yanvarida Polshaga Rossiya prezi­denti Y. Putin rasmiy tashrif bilan keldi. V.Putin va A.Kvashnevskiy o’rtasidagi uchrashuv ikki mamlakat o’rtasidagi do’stona munosabatlarni mustahkamlash yo’lida 1-qadam bo’ldi. Polsha 1999 yil NATOga kirdi.