―ИҚтисодиёт‖ факультети

M.K. Olimov - assistent, TDIU 
S.D. Matyakubov - talaba, TDIU 
 
 
Mamlakatimizda oziq-ovqat xavfsizligini ta‘minlashning o‘ziga xos jihatlari 
 
Mustaqillikning dastlabki yillaridan boshlab oziq-ovqat xavfsizligi masalalari 
O‘zbekistonning ijtimoiy-iqtisodiy siyosatida markaziy o‘rinlardan birida turadi. Natijada 
mamlakat ushbu yo‘nalishda katta yutuqlarga erishdi. G‘alla mustaqilligiga erishish, aholi 
jon boshiga asosiy oziq-ovqat mahsulotlari-go‘sht, sut, tuxum va meva-sabzavot 
mahsulotlari yetishtirishning ancha ko‘payganligi va buning oqibatida, oziq-ovqatning 
barcha asosiy turlarini mamlakatning o‘zida ishlab chiqarish amalda to‘liq ta‘minlandi. 
Oziq-ovqat tovarlari ishlab chiqarish hajmlarini ko‘paytirish va aholining barcha qatlamlari 
ulardan foydalanishini kengaytirishga yo‘naltirilgan chora-tadbirlar bilan birgalikda 
ovqatlanish tarkibini yaxshilashga qaratilgan choralar ham katta ahamiyatga ega bo‘ldi. 
Mamlakatimiz Prezidenti Sh.M. Mirziyoev 2017-2021 yillarda O‘zbekiston 
Respublikasini rivojlantirishning beshta ustuvor yo‘nalishlari bo‘yicha Harakatlar 
strategiyasida ―tarkibiy o‘zgartirishlarni chuqurlashtirish va qishloq xo‘jaligi ishlab 
chiqarishini 
muttasil 
rivojlantirish, 
mamlakat 
oziq-ovqat 
xavfsizligini 
yanada 
mustahkamlash, ekologik toza mahsulotni ishlab chiqarishni kengaytirish, agrar sektorning 
eksport salohiyatini sezilarli darajada oshirish‖ lozimligini alohida ustuvor vazifa sifatida 
belgilab o‘tganlar.
Oziq-ovqat xavfsizligi bu iqtisodiyotning shunday holati bo‘lib, bunda jahon bozorlari 
tebranishlaridan qat‘iy nazar bir tomondan, ilmiy asoslangan ko‘rsatkichlarga mos 
miqdorlarda, ikkinchi tomondan tibbiy me‘yorlar darajasida iste‘molni qondirish uchun 
shart-sharoit yaratilgan holda aholini oziq-ovqat mahsulotlari bilan barqaror ta‘minlash 
kafolatlanadi.
Davlatning oziq-ovqat xavfsizligini ta‘minlash borasidagi siyosatida, asosan, o‘zining 
qishloq xo‘jaligi ishlab chiqarishi va ichki sotish bozorlarini rivojlantirishga, qisman, chet 
ellardan oziq-ovqat mahsulotlarini import qilish asosida aholini oziq-ovqatga bo‘lgan 
maqbul darajadagi ehtiyojini qondirish ko‘zda tutiladi.