Mustaqillikdan so'ng O'zbekistonda sug'urtaning
rivojlanish xususiyatlari. O'zbekistonning bozor iqtisodiyoti sharoitida o'z mustaqilligiga erishganligi sug'urta soxasida xam ilgarigi mustamlakachilik qoldiqlarini tugatishga, Respublikamizda jaxon standartiga asoslangan mustaqil sug'urta tizimini barpo etishga keng imkoniyatlar yaratildi. 1993 yilning 6 mayida O'zbekiston Respublikasi Oliy Kengashi (xozirgi oliy majlis) "Sug'urta to'g'risida" gi qonun qabul qildi. Mazko'r qonun sug'urtani rivojlantirishning, asoslarini, Respublikani ijtimoiy iqtisodiy rivojlantirishda sug'urtaning mavqei va o'rnini berdi, fuqarolar va yuridik shaxslarning sug'urta xizmatlariga bo'lgan talabini to'laroq qondirilishini, shuningdek sug'urta munosabatlari barcha ishtirokchilarini manfatlarini ximoya qilinishi va majburiyatlarga rioya etilishini ta'minladi.
1992-1994 yillarda i qtisodiyotning barcha bo'g'inlarida monopoliyaga barxam berilishi va xususiylashtirish jarayoni kuchayishiga qaramasdan, O'zbekitson sug'urta bozorida davlat sug'urta muassasalarini ustunligi saqlanib qoldi. Mamlakatning shaxar va tumanlaridagi asosiy sug' urta operatsiyalari O'zbekiston Moliya Vazirligi xuzuridagi davlat sug'urta Bosh boshqarmasi va uning joylaridagi bo'linmalari tomonidan amalga oshirildi. Agar, ushbu davrda sug'urta badallari tarkibini chuqurroq taxlil qiladigan bo'lsak, umumiy xajmda shaxsiy sug'urtaning ulushi kam ekanligini ko'rishimiz mumkin. Xususan, 1991 yilda sug'urta badallarining umumiy xajmida shaxsiy sug'urtaning umumiy 38,5 foizini tashqil etgan bo'lsa, 1992 yilda mazko'r ko'rsatkich 16,2 foizni tashqil etdi. Buning asosiy sababi pulning qadrsizlanishi va o'sha paytda ijtimoiy-iqtisodiy xayotda ro'y bergan tangliklar bilan bog'liqdir.
1993-1994 yillar davomida sug'urta soxasida monopoliyadan chiqarish jarayoni bir muncha tezlashdi. 1994 yil oxirlarida mamlakat nodavlat sektorida 60 dan ortiq sug'urta tashkilotlari faoliyat ko'rsata boshladi.
O'zbekiston Respublikasi Prezidentining farmoniga muvofiq 1994 yil 21 yanvarda O'zbekinvest milliy sug'urta kompaniyasi (1997 yil Vazirlar Maxkamasining qaroriga muvofiq "O'zbekinvest" eksport-import milliy sug'urta kompaniyasi o'zgartirildi) tashqil etildi. Uning asosiy maqsadi respublika iqtisodiyotida eksport o'sishini yanada rag'batlantiri, O'zbekistonlik eksportlarni sug'urtaviy ximoya qilishni ta'minlash, xorijiy mamlakatlar investorlari bilan aloqa qiluvchi o'zbek investorlarining faoliyatini kuchaytirish iqtisodiyotining ustivor tarmoqlariga jalb etilayotgan chet el investitsiyalarini kompleks sug'urtaviy ximoya qilishdan iborat. Sug'urta xizmatlari soxasini samarali rivojlantirishn i ta'minlash, dexqonchilik maxsuloti etishtiruvchilarni va axolini sug'urta yo'li bilan ximoya qilish uchun qulay shart-sharoitlarni yaratish maqsadida O'zbekiston Respublikasi Prezidentining 1997 yil 25 fevraldagi farmoniga muvofiq O'zbekiston Respublik asi Moliya vazirligi xuzuridagi davlat sug'urta bosh boshqarmasi negizida "O'zagrosug'urta" davlat aktsiyadorlik sug'urta kompaniyasi tashqil etildi.
O'zbekiston Respublikasi Vazirlar Maxkamasining 1997 yil 14 martdagi karoriga muvofiq tashqil etilgan "Kafolat" Davlat aktsiyadorlik sug'urta kompaniyasining asosiy faoliyat yo'nalishi shaxar axolisi xayotini, salomatligi va mol-mulkini, respublika shaxarlarida yuridik va jismoniy shaxslarning moliyaviy va tadbirkorlik tavakkalchiligini sug'urta yo'li bilan ximoya qilinishini ta'minlashdan iborat.
"Madad" sug'urta agentligi esa 1995 yilda tashqil etilgan bo'lib, uning asosiy maqsadi xususiy tadbirkorlik, kichik va o'rta biznesni qo'llab quvvatlashdan, ularga samarali sug'urta xizmatlari ko'rsatishdan iborat.
2002 yilning 5 aprelida O'zbekiston Respublikasi Oliy Majlisi tomonidan "Sug'urta faoliyati to'g'risida"gi mustaqillikdan keyingi ikkinchi qonun qabul qilindi. Mazko'r qonun respublikamizda sug'urta xizmatlari samaradorligini oshirishda muxim qadam bo'ladi.
