Davlat boshqaruvi samaradorligini baholash va elektron hukumatni rivojlantirishning uslubiy masalalari: xalqaro tajriba

Reja:

1. 
   Davlat boshqaruvi samaradorligini baholash va elektron hukumatni rivojlantirishning uslubiy masalalari: xalqaro tajriba.
   
2. 
   Elektron hukumat sharoitida davlatning axborot siyosati.
   
3. 
   Axborot siyosati kontseptsiyasi.
   
4. 
   Axborotdan foydalanishni tartibga soluvchi qonunchilik bazasini rivojlantirishning global tendentsiyalari.
   

KIRISH
Insoniyatning o‘zaro umumiyligini ta’minlashni maqsad qilib qo‘ygan globallashuv ijtimoiy-falsafiy va siyosiy kategoriya sifatida ijtimoiy-gumanitar fanlarning tadqiqot ob’ektiga aylanmoqda. SHu bilan birgalikda globallashuvning kundalik hayotimizga real jarayon sifatida kirib kelganligi, natijada global axborotlashuv jarayoni vujudga kelib, samarali axborot siyosatlari ishlab chiqilayotganligi bugungi kunda muhim ahamiyat kasb etmoqda. Ana shunday sharoitda globallashuv jarayonining, axborot siyosatining mohiyati hamda globallashuvning siyosiy munosabatlarga ta’sirini o‘rganish zarurdir.

Globallashuv hamda global axborotlashuv ijtimoiy hayotda g‘oyaviy ta’sir mexanizmlarining ko‘p qirrali faoliyati ushbu masala tadqiqiga mas’uliyat bilan yondashishni talab etmoqda. Xususan, inson ongi va qalbi uchun kurash sharoitida davlatni axborot siyosatining o‘ziga xos xususiyatlari hamda uning ustuvor yo‘nalishlarini tahlil etish muhimdir. Zero, globallashuv va global axborotlashuv dunyo miqyosida mafkuraviy jarayonlarni etakchi o‘ringa qo‘yib, g‘oyaviy omillarning kelajak taraqqiyotni ta’minlashdagi ahamiyatini belgilab berdi.
SHuningdek, global axborotlashuv sharoitida axborot siyosatiga yangicha yondashish ehtiyoji va zaruratini yuzaga chiqarmoqdaki, ushbu omil ham Milliy rivojlanishni ta’minlash bilan bir qatorda jamiyat a’zolari tafakkurida g‘oyaviy bo‘shliq bo‘lmasligini ta’minlashda hamda kafolatlashda zaruriy jihatdir. SHu bois, globallashuv va axborot siyosati muammolarining ilmiy-nazariy hamda ijtimoiy-siyosiy jihatlarini tadqiq etish bugungi real hayotimizning mohiyatini ochib berishga bevosita xizmat qiladi.