«ijtimoiy-madaniy faoliyat» kafedrasi «ijtimoiy madaniy faoliyat tarixi va nazariyasi» fanidan

MA’NAVIYAT (arab. «ma’naviyat» - ma’nolar majmui) - kishilarning

falsafiy, huquqiy, estetik, badiiy, axloqiy, diniy tasavvurlari

va tushunchalari majmui. M. mafkura, tafakkur tushunchalariga

yaqin va ular bir-birlarini taqozo etadi. Odamzod paydo

bo‘lib, ko‘p ming yillik taraqqiyot jarayonida o'zini o‘rab olgan

tabiatni, turli hodisalar, voqealar, hayotiy jarayonlarni kuzatgan,

ularning sabablari va qonuniyatlari to‘g‘risida mushohada qilgan,

turli tasavvur va tushunchalar hosil qilib kelgan.

MA’RIFAT (arabcha «arafa» - «bilmoq» so‘zidan) - ta’limtarbiya,

iqtisodiy, siyosiy, falsafiy, diniy g‘oyalar majmui asosida

kishilarning ong-bilimini, madaniyatini o‘stirishga qaratilgan

faoliyat. «М.» tushunchasi «ma’naviyat» va «madaniyat» tushunchalari

bilan chambarchas bog‘langandir; M. tarixi jamiyat tarixining

ajralmas qismidir. M. haqida ko‘plab fikrlar bildirilgan.

So‘fiylar nazarida tariqatning davomi va hosilasi M.dir. U fikrdan

o‘zib ketadigan va shubhaga zarracha asos qoldirmaydigan ilmdir.