Ijtimoiy hodisa deyiladi. Til jamiyat a’zolari yordamida shakllantirilib, rivojlantirilib boriladi. Til birliklari

Hududiy chegaralangan so‘zlar (shevalar) – faqat ma’lum bir hudud doirasidagina qo‘llanilib, boshqa hududda yashovchi o‘zbek tili vakillari uchun xos bo‘lmagan so‘zlardir: eshik – hovli, uy (Andijon), shoti – narvon (Andijon, Farg‘ona, Namangan), takya – do‘ppi (Xorazm)
Sotsial chegaralangan so‘zlar (argo va jargon) – ma’lum bir ijtimoiy guruh tomonidan ishlatiladigan so‘zlardir.

1. 
   Argolar – ma’lum guruh kishilariga tushunarli so‘zlardir: loy, yekan (pul); ment (militsiya); danap (qiz bola); tanka (talabalarga yordam beruvchi homiy); qaychi (taftishchi); kolxoz (chiptasiz yo‘lovchi).
   
2. 
   Jargonlar – ayrim tabaqa kishilari orasida ishlatiladi: hazratim, sultonim, hazrati oliyalari, u dunyoga rixlat qilibdilar, tabarruk qilibdi, olampanoh, manzirat qilmoq, padari buzrukvor…
   

§ Nomshunoslik
Siz yashab turgan joydagi ko‘chalar, maydonlar, shahar va qishloqlar, daryo, ko‘l, tepalik, qabristonlar ma’lum nom bilan yuritiladi: Samarqand shahri, Amir Temur ko‘chasi, “Mustaqillik” maydoni, Alisher Navoiy nomli jamoa xo‘jaligi va boshq. Bunday nomlarni esa tilshunoslikning nomlanish sabablari bilan shug‘ullanuvchi nomshunoslik (onomastika) bo‘limi o‘rganadi.
Atoqli otlar nomlanuvchi obyekt turiga ko‘ra bir nechta guruhga bo‘linadi:
Antroponimlar – shaxs va ularga qo‘yilgan nomlar: Karim, Lutfulla, Abdulaziz va boshq.

Toponimlar – geografik obyektlarga qo‘yilgan nomlar: Shirmonbuloq, Buvayda, G‘azalkent, Termiz kabi.

Zoonimlar – hayvonlarga atab qo‘yilgan nomlar: Olapar, Bo‘ribosar, To‘rtko‘z, Qoplon kabi.

Gidronimlar – suv havzalariga atab qo‘yilgan nomlar: Kasbiy dengizi, Atlantika okeani, Baykal ko‘li, Niagara sharsharasi va h.k.